*بيىل ەلىمىز ونەركاسىپتىك ماقساتقا بەكىرەنى اۋلاۋدى توقتاتادى. ونىڭ باستى سەبەبى, كاسپي تەڭىزىندە بەكىرە تۇقىمداس بالىقتاردىڭ ازايىپ كەتۋىمەن بايلانىستى بولىپ تۇر. بۇل شەشىم رەسەي, ازەربايجان, يران, قازاقستان مەن تۇركىمەنستان ەلدەرى اراسىندا جۇرگىزىلگەن كەلىسسوزگە سايكەس قابىلداندى.
*بيىل ەلىمىز ونەركاسىپتىك ماقساتقا بەكىرەنى اۋلاۋدى توقتاتادى. ونىڭ باستى سەبەبى, كاسپي تەڭىزىندە بەكىرە تۇقىمداس بالىقتاردىڭ ازايىپ كەتۋىمەن بايلانىستى بولىپ تۇر. بۇل شەشىم رەسەي, ازەربايجان, يران, قازاقستان مەن تۇركىمەنستان ەلدەرى اراسىندا جۇرگىزىلگەن كەلىسسوزگە سايكەس قابىلداندى.
* الماتى قالاسىندا فيزيكا جانە ينفورماتيكا پاندەرىنەن X حالىقارالىق جاۋتىكوۆ وليمپياداسىنىڭ كەزەكتى سىناعى وتكىزىلۋدە. بۇل جولى سايىسقا الەمنىڭ 17 ەلىنەن 57 كوماندا كەلدى. قازىلار قۇرامىندا 8 ەلدىڭ عالىمدارى بار.
* وڭتۇستىك قازاقستان وبلىسىندا تاۋساعىزدان كاۋچۋك الىندى. جەرگىلىكتى عالىم ارىستانبەك ەشىباەۆ ارنايى تۇقىمباقتا وسىرىلگەن كاۋچۋكتىڭ ءوسىپ-جەتىلۋىن بەس جىل بويى زەرتتەپ, وسىنداي ناتيجەگە قول جەتكىزدى. جاعىمدى جاڭالىققا كانادانىڭ عالىمدارى وڭ باعاسىن بەردى.
* شىعىس قازاقستان وبلىسىنداعى سەرەبريانسك بەيورگانيكالىق ونىمدەر زاۋىتىنىڭ جۇمىسى قايتا جانداناتىن بولدى. ول ءۇشىن وبلىس بيۋدجەتىنەن جانە «قازينجينيرينگ» كومپانياسىنان ارنايى قارجى بولىنەدى. بۇل زاۋىت بۇعان دەيىن وندىرىسكە قاجەتتى زاتتاردى ءوندىرىپ كەلگەن.
* اقمولا وبلىسىندا ءتۇرلى دەڭگەيدەگى اكىمدەر حالىق الدىندا ەسەپ بەرە باستادى. تۇرعىنداردان تۇسكەن ساۋالداردىڭ باسىم بولىگى تۇرعىن ءۇي مەن كوممۋنالدىق سالاعا قاتىستى بولدى. ول بويىنشا جەرگىلىكتى بيلىك وكىلدەرى قوزعالعان ماسەلەنىڭ كەزەڭ-كەزەڭىمەن شەشىم تاباتىنىنا سەنىم ءبىلدىردى.
* اقتوبە وبلىسىندا 57 جەر تەلىمى مەملەكەتكە قايتارىلدى. جالپى, كاداسترلىك قۇنى 3,7 ملرد. تەڭگە بولاتىن جەر تەلىمدەرى ءبىراز ۋاقىت بوس جاتقان. جەرگىلىكتى سوتتا جەر تەلىمىنە قاتىستى تاعى 18 شاعىم قارالۋدا. سونىمەن قاتار, 47 جەر يەسىنە ەسكەرتۋ قاعازى بەرىلدى.
* باتىس قازاقستان وبلىسىندا بۇگىنگى كۇنى 77120 ارداگەر تۇرادى. سونىڭ 319-ى ۇلى وتان سوعىسىنا قاتىسقان. ەندىگى جەردە جەرگىلىكتى بيلىك جەڭىلدىكتى پايدالاناتىن مايدانگەرلەرمەن بىرگە الەۋمەتتىك كومەكتى قاجەت ەتەتىن باسقا دا ازاماتتارعا ورال قالاسىنداعى قوعامدىق كولىكتەردە تەگىن ءجۇرۋ ماسەلەسىن قاراستىراتىن بولدى.
* جاقىن ارادا ەلىمىزدەگى مەملەكەتتىك جوعارى وقۋ ورىندارىندا باقىلاۋشى كەڭەس قۇرىلادى. بۇل جاڭا قۇرىلىمعا 50-دەن اسا وقۋ ورنىن كوشىرۋ جوسپارلانعان. قازىر ءبىلىم جانە عىلىم مينيسترلىگى ونىڭ نەگىزىن قالايتىن نورماتيۆتىك بازانى دايىنداۋ ۇستىندە. وسى ءىس اياقتالعاننان كەيىن رەكتور ءوز جۇمىسى مەن جوسپارىن جاڭادان قۇرىلاتىن كەڭەس مۇشەلەرىمەن اقىلداسىپ, بەكىتەتىن بولادى.
Egemen.kz حابارلارى بويىنشا دايىندالدى.
