كوپبەيىندى وبلىستىق اۋرۋحانا جانىنداعى 7 650 شارشى مەتردى قۇرايتىن اۆتوتۇراققا كۇردەلى جوندەۋ جۇمىستارى جۇرۋدە. بۇگىندە اۋماق تەگىستەلىپ, اسفالت جابىندىسى توسەلىپ جاتىر.
ال كوپبەيىندى قالالىق اۋرۋحانادا قالا باسشىسى مەن ءماسليحات حاتشىسىنا مەكەمەنىڭ باس دارىگەرى باۋىرجان تولەگەن ۇلى قازىر 220 ناۋقاس ەمدەلىپ جاتقانىن, قاجەتتى جابدىقتاردىڭ جەتكىلىكتى ەكەنىن ايتتى. ال اۋرۋحاناداعى تاپشى مامانداردى سىرتتان شاقىرۋ كەرەك. بىراق ولاردى باسپانامەن قامتۋ قيىندىق تۋعىزىپ وتىر. باس دارىگەر ايتقان ماسەلەنى قالا باسشىسى نازارعا الاتىن بولدى.
جاڭادان سالىنعان 200 ورىندىق ءمودۋلدى جۇقپالى اۋرۋلار اۋرۋحاناسىندا وبلىستىق دەنساۋلىق ساقتاۋ باسقارماسىنىڭ باسشىسى ءسابيت پازىلوۆ بۇگىندە مەكەمەنىڭ قۇجاتتارىن راسىمدەۋ جۇمىستارى اياقتالعانىن جەتكىزدى.
– زاماناۋي ۇلگىدە سالىنعان عيماراتتا ناۋقاستاردى ەمدەۋ ءۇشىن بارلىق جاعداي جاسالعان. ەپيدەميالىق احۋال ۋشىعىپ تۇرعان قازىرگى كەزدە عيماراتتى گازعا قوسىپ, اينالاسىن اباتتاندىرىپ, اپتا ىشىندە اشىلۋىنا بار كۇشىمىزدى سالامىز, – دەدى قالا اكىمى عانيبەك قازانتاەۆ.
قىزىلوردا
