ساياسات • 30 شىلدە، 2021

ەكوجۇيەنىڭ تسيفرلى كارتاسى

18 رەت كورسەتىلدى

ەكولوگيا، گەولوگيا جانە تابيعي رەسۋرستار ءمينيسترى م.مىرزاعا­ليەۆ شانحاي ىنتىماقتاستىق ۇيىمىنا مۇشە مەملەكەتتەردىڭ قورشاعان ورتانى قورعاۋ ماسەلەلەرىنە ارنالعان كەڭەسىنە قاتىسىپ، سيرەك كەزدەسەتىن جانۋارلاردى قورعاۋعا جانە ساقتاۋعا ارنالعان «شىۇ ەكوجۇيەلىك تسيفرلى كارتاسىن» ازىرلەۋدى ۇسىندى.

كەڭەس بارىسىندا شىۇ ەل­دەرى­نىڭ تابيعات قورعاۋ ۆەدوم­ستۆو­­لارىنىڭ باسشىلارى قور­شاعان ورتانى قورعاۋ سالا­سىن­داعى ىنتىماقتاستىقتىڭ جاي-كۇيى مەن دامۋ پەرسپەكتيۆالارى ماسەلەلەرىن تالقىلادى.

مينيستر ءوز بايانداماسىندا 2020 جىلى شىۇ ءسامميتى بارىسىندا ايتىلعان مەملەكەت باسشىلارىنىڭ تاپسىرمالارىن ورىنداۋ قاجەتتىگىن اتاپ ءوتىپ، وسى ماقساتتا شىۇ-عا مۇشە مەم­­لە­كەتتەردىڭ ەكولوگيالىق پرو­بلە­مالارىنىڭ رەەسترىن ازىر­لەۋدى ۇسىندى.

سونداي-اق م.مىرزاعاليەۆ ارال ءوڭىرىنىڭ ەكولوگيالىق پروبلە­مالارىن كەشەندى شەشۋ ماسەلەلەرىن قوزعاپ، شىۇ ەل­دەرىندە كليماتتىڭ وزگە­رۋى، ەرەكشە قورعالاتىن تابيعي اۋماق­تار­دى دامىتۋ جانە بيوار­تۇر­لى­لىكتى ساق­تاۋ ماسەلە­لەرى بو­يىن­شا بىرلەس­كەن شەشىم­دەردى ىز­دەۋ قاجەتتى­گىن اتاپ ءوتتى. مي­نيستر ارال تەڭىزى­نىڭ قۇر­عاۋىن في­تو­مەليوراتسيالاۋ جو­نىن­دەگى باع­دارلامانى، شىۇ-عا مۇشە مەم­لەكەتتەردىڭ ەرەكشە قور­عالاتىن تابيعي اۋماقتاردى دامىتۋ سالا­سىنداعى ىنتىماقتاستىق باع­دارلاماسىن ازىرلەۋ ماڭىز­دى ەكەنىن جەتكىزدى.

سونداي-اق ول قورشاعان ورتانى قور­عاۋ سالاسىنداعى جوبالاردى قار­جى­لاندىرۋعا جانە بۇۇ باعدار­لامالارىنىڭ جەلىسى بويىنشا حالىق­ارالىق دونورلىق كومەكتى تارتۋ جۇمىستارىن جان­دان­­دىرۋعا قاتىستى بىرقاتار باس­تا­مالاردى اتادى. جيىندا شىۇ شەڭبەرىندە تابيعاتتى قور­عاۋ قىز­مەتىنىڭ تيىمدىلىگىن ارتتى­رۋ ماق­­ساتىندا شىۇ-عا مۇشە مەم­لە­­كەت­تەردىڭ قورشاعان ورتانى قور­­­عاۋ سالاسىنداعى ىنتىماقتاس­تى­­عى تۋرالى ۇكىمەتارالىق كەلى­سىم­د­ى ازىرلەۋ قاجەتتىگى دە ايتىلدى.

سونىمەن قاتار قازاقستاندىق تاراپ­تىڭ باستاماسى بويىنشا كەڭەس شەڭ­بەرىن­دە شىۇ-عا مۇشە مەملەكەت­تەردىڭ قور­­شا­عان ورتانى قورعاۋ ماسەلەلەرى جونىن­دەگى بىرلەسكەن جۇمىس توبى قۇرىلدى.

كەزدەسۋ قورىتىندىسىندا تاراپ­تار 2022-2024 جىلدار­عا ارنال­عان شىۇ-عا مۇشە مەملەكەت­تەر­دىڭ قورشا­عان ورتانى قورعاۋ سا­لا­سىن­داعى ىن­تىماقتاستىق تۇ­جى­رىم­داماسىن ماقۇلدادى.

 

«ەگەمەن-اقپارات»

 

سوڭعى جاڭالىقتار

ءالتىنساريننىڭ ادامي بولمىسى

رۋحانيات • بۇگىن، 00:01

ۋاقىت جاراتقان ۇلى جىر

ادەبيەت • كەشە

ۇقساس جاڭالىقتار