«نازار اۋدارىڭىز, ساۋالناما تسۋكەربەرگ نەگىزىن قالاعان الەۋمەتتىك جەلىنىڭ 20 جىلدىعىنا وراي وتكىزىلەدى!».
Facebook مەسسەندجەرىنىڭ پايدالانۋشىلارىنا ءدال وسىنداي حابارلاما كەلىپ, 100 مىڭ تەڭگەگە يە بولۋ مۇمكىندىگى ۇسىنىلاتىن ساۋالناما تاراتىلادى. سىلتەمە كۆيز-سايتقا وتەدى - بۇل ينتەراكتيۆتى فورماتتا ۇسىنىلعان ساۋالناماسى بار ءبىر بەتتىك سايت. جالعان ساۋالنامانىڭ شارتتارى بويىنشا, پايدالانۋشى ءتورت قاراپايىم سۇراققا جاۋاپ بەرىپ, سىيلىقتى تاڭداپ, تاپقان اقشاسىن الۋى كەرەك.
Facebook-ءتىڭ گارۆارد ۋنيۆەرسيتەتىنىڭ ستۋدەنتتەرىمەن بايلانىساتىن سايت رەتىندە قۇرىلعان كۇنى 2004 جىلدىڭ 4 اقپانى ەكەنىن بەلگىلى. دەمەك, تانىمال الەۋمەتتىك جەلىنىڭ 20 جىلدىق مەرەيتويىنا دەيىن تاعى ءۇش جىل بار. الايدا, بۇل بارلىق پايدالانۋشىلاردى توقتاتا بەرمەيدى. كوپتەگەن ادامدار اقپاراتتى تەكسەرمەي, سۇراقتارعا جاۋاپ بەرە وتىرىپ, «ساتتىلىكتەرىن» تەكسەرۋدى جالعاستىرادى.
ساۋالنامادان كەيىن پاراقشادا سىيلىق قوراپتارى پايدا بولادى, ولاردىڭ اراسىنان بىرەۋىن تاڭداۋ كەرەك. ارينە, ولاردىڭ كەز كەلگەنىن باسۋ ارقىلى پايدالانۋشى دۇرىس تاڭداۋ جاسايدى جانە ونىڭ «كەزدەيسوق» ۇتىسى 100 مىڭ تەڭگەنى قۇرايدى. جۇلدە ۇتىپ العاندار قاراجاتتى قولعا شىعارۋ ءۇشىن الاياقتارعا وزدەرىنىڭ ءتاا, جسن, كارتا دەرەكتەمەلەرىن, بانك كارتاسىنىڭ ارتقى جاعىنداعى ءۇش تاڭبالى كودتى جىبەرىپ, ۇيىمداستىرۋشىلاردىڭ شوتىنا سالىق رەتىندە بەلگىلى ءبىر اقشا سوماسىن اۋدارعان جاعدايدا, الاياقتىق ىسكە اسادى.
