ەلوردا • 28 شىلدە، 2021

ەلوردالىقتار COVID-19 بويىنشا call-ورتالىقتارعا قوڭىراۋ شالا الادى

32 رەت كورسەتىلدى

ەلوردا تۇرعىندارىنا ارناپ كوروناۆيرۋستىق ينفەكتسيا ماسەلەسى بويىنشا العاشقى مەديتسينالىق-سانيتارلىق كومەك كورسەتۋ ۇيىمدارىنىڭ جانىنان كولل-ورتالىق قۇرىلدى، دەپ حابارلايدى Egemen.kz.

نۇر-سۇلتانداعى ەپيدەميولوگيالىق جاعدايعا بايلانىستى قىزمەتتىڭ بارلىق تۇرىنە جۇكتەمە ءتۇسىپ كەلەدى. جەدەل جاردەم قىزمەتىنە تاۋلىگىنە 4 مىڭعا دەيىن قوڭىراۋ تۇسەدى، ال شاقىرۋ سانى 3 مىڭنان اسادى، ونىڭ ىشىندە كۆي بويىنشا 300-گە دەيىن جەتەدى.

قالا تۇرعىندارىنا ىڭعايلى بولۋ ءۇشىن بايلانىس تەلەفوندارى قۇرىلدى. وسى ارقىلى كوروناۆيرۋستىق ينفەكتسياعا قاتىستى سۇراقتارىنا جاۋاپ الا الادى.

«قالا تۇرعىندارى تاراپىنان ءموبيلدى توپتاردىڭ جۇمىسى، ۋچاسكەلىك دارىگەرلەرگە قوڭىراۋ شالۋ بويىنشا كوپتەگەن ءوتىنىش ءتۇستى. قازىر دەنساۋلىق ساقتاۋ مەكەمەسىنىڭ ارقايسىسىنا ۇلكەن جۇكتەمە ءتۇسىپ وتىر. دارىگەرلەر كۇنىنە 3 مىڭنان استام ناۋقاستى ۇيىندە تەكسەرەدى. وسىعان بايلانىستى قالا تۇرعىندارىنا تۇسىنىستىك تانىتۋىن سۇرايمىز. ەگەر وزىڭىزدە اۋرۋدىڭ سيمپتومسىز ءتۇرى بولسا، فيلتر-كابينەتتەرگە، ءوز ەمحاناڭىزدىڭ call-ورتالىعىنا حابارلاسۋىڭىزدى سۇرايمىز»، - دەيدى قالالىق قوعامدىق دەنساۋلىق ساقتاۋ باسقارماسى.

قوعامدىق دەنساۋلىق ساقتاۋ باسقارماسىنىڭ رەسمي سايتىندا كورسەتىلگەن ماڭىزدى تەلەفون نومىرلەرىن وسى سىلتەمە ارقىلى جۇكتەپ الۋعا بولادى.

سوڭعى جاڭالىقتار

دوللار قىمباتتادى

قارجى • بۇگىن، 15:52

ۇقساس جاڭالىقتار