مەملەكەت باسشىسىنىڭ 2020 جىلعى 1 قىركۇيەكتەگى قازاقستان حالقىنا جولداۋى شەڭبەرىندە جەكە كۋالىكتەردى بەرۋ پروتسەستەرىن تسيفرلاندىرۋ جونىندەگى تاپسىرماسى اياسىندا يدم ازاماتتىق اۆياتسيا كوميتەتى قر تسيفرلىق دامۋ, يننوۆاتسيالار جانە اەروعارىش ونەركاسىبى مينيسترلىگىمەن, «قازاقستاننىڭ اۆياتسيالىق اكىمشىلىگى» اق-مەن, قازاقستان داعى اۋە كومپانيالارى جانە اۋەجايلارمەن, «ۇات» اق-مەن جانە باسقا دا مۇددەلى ورگاندار مەن ۇيىمدارمەن بىرلەسىپ, اۋە كولىگىندە تسيفرلىق قۇجاتتاردى پايدالانۋ مۇمكىندىگى بويىنشا جۇمىستار جۇرگىزۋدى باستادى.
قازىرگى ۋاقىتتا تسيفرلىق قۇجاتتار قىزمەتى پيلوتتىق رەجيمدە نۇر-سۇلتان جانە الماتى قالالارىنىڭ اۋەجايلارىندا ىسكە قوسىلعان.
«28 شىلدەدەن باستاپ جوبا اقتوبە قالاسىنىڭ اۋەجايىندا دا ىسكە قوسىلادى. وسى ءۇش قالا اراسىنداعى تۇراقتى رەيستەرمەن ۇشاتىن جولاۋشىلار جەكە دەرەكتەرىن راستاۋ ءۇشىن «Egov Mobile» ءموبيلدى قوسىمشاسى ارقىلى ەلەكتروندى جەكە كۋالىگىن ۇسىنا الادى. وسىلايشا, جولاۋشىلار ساندىق جەكە كۋالىكتى قولدانا وتىرىپ, ساياحاتتايدى. تسيفرلىق قۇجاتتار قىزمەتىن پايدالاناتىن جولاۋشىلار اۋەجايدا رەيسكە تىركەلۋ كەزىندە, سونداي-اق ۇشۋ الدىنداعى تەكسەرۋدەن ءوتۋ كەزىندە «Egov Mobile» قوسىمشاسىندا جيناقتالاتىن QR كودتى كورسەتۋى ءتيىس», دەلىنگەن حابارلامادا.
اۋەجايلاردا تسيفرلىق قۇجاتتار قىزمەتى قازىرگى ۋاقىتتا پيلوتتىق رەجيمدە ىسكە قوسىلۋدا. اتالعان سەرۆيستى پايدالانۋدى جوسپارلاپ وتىرعان جولاۋشىلاردىڭ وزىمەن بىرگە جەكە كۋالىگىنىڭ تۇپنۇسقاسىن الىپ جۇرگەنى ءجون.
