ايماقتار • 28 شىلدە، 2021

قاراعاندىدا 13 تۇرعىندى الداپ كەتكەن الاياق ۇستالدى

95 رەت كورسەتىلدى

ءوزىن ءىت-تەحنولوگيالار سالاسىنداعى مامان رەتىندە تانىستىرىپ، قالانىڭ 13 تۇرعىنىنان اقشا ۇرلاعان ەر ادام قولعا ءتۇستى، دەپ حابارلايدى Egemen.kz Polisia.kz سايتىنا سىلتەمە جاساپ.

29 ماۋسىمدا قاراعاندى قالاسىنىڭ ورتالىق پوليتسيا بولىمىنە 39 جاستاعى قالا تۇرعىنىنان ارىز ءتۇستى. جابىرلەنۋشىنىڭ ايتۋىنشا، ءبىر ەر ادام الاياقتىق جولمەن 94 مىڭ تەڭگە اقشاسىن ۇرلاپ كەتكەن.

مۋلتيمەديالىق جۇيەنى ساتىپ الىپ، ورناتۋدى جوسپارلاعان جابىرلەنۋشى الەۋمەتتىك جەلىدەگى جارنامادا ءوزىن ءىت تەحنولوگيالار سالاسىنىڭ مامانى، سونداي-اق بەينە جانە اۋديو جابدىقتارىن ساتاتىن جانە جوندەيتىن كومپانيانىڭ مامانىمىن دەپ تانىستىرعان ازاماتپەن بايلانىسقا شىققان. 

الاياق ءوزىنىڭ جۇمىسى ءۇشىن الدىن-الا 94 مىڭ تەڭگە تولەۋدى تالاپ ەتكەن. اقشانى الىپ العاننان كەيىن جالعان كومپانيا وكىلى بايلانىسىن توقتاتىپ، حابارسىز كەتكەن.

اتالعان فاكتى بويىنشا قر قىلمىستىق كودەكسىنىڭ 190-بابى (الاياقتىق) بويىنشا قىلمىستىق ءىس قوزعالدى.

21 شىلدەدە جەدەل-ىزدەستىرۋ ءىس-شارالارى بارىسىندا كريمينالدىق پوليتسيا قىزمەتكەرلەرى 30 جاستاعى ەر ادامدى انىقتاپ، ۇستادى. كۇدىكتى كىناسىن مويىنداپ، سوتقا دەيىنگى تەرگەۋ بارىسىندا كريمينالدىق پوليتسيا ونىڭ تاعى 12 ۇقساس قىلمىسقا قاتىستىلىعىن انىقتادى. جالپى شىعىننىڭ سوماسى 300 مىڭ تەڭگەنى قۇرايدى.

قازىرگى ۋاقىتتا تەرگەۋ امالدارى جۇرگىزىلىپ جاتىر. كۇدىكتى ۋاقىتشا ۇستاۋ يزولياتورىنا قامالدى.

سوڭعى جاڭالىقتار

ۇقساس جاڭالىقتار