كومپانيا 1 ءساۋىر مەن 30 ماۋسىم ارالىعىندا 1,14 ميلليارد دوللار (966 ميلليون ەۋرو) پايدا تاپتى.
كومپانيانىڭ 2021 جىلدىڭ ەكىنشى توقسانىنداعى كىرىسى وتكەن جىلدىڭ سايكەس كەزەڭىمەن سالىستىرعاندا ەكى ەسە ءوستى جانە شامامەن 12 ميلليارد دوللاردى (10,1 ميلليارد ەۋرو) قۇرادى.
ايتا كەتۋ كەرەك, Tesla وسى توقساندا ەلەكتروموبيلدەردى رەكوردتىق كولەمدە شىعاردى.
سونىمەن قاتار ەكىنشى توقساندا يلون ماسكتىڭ كومپانياسى وندىرىلگەن جانە جەتكىزىلگەن ەلەكتروموبيلدەر سانى بويىنشا رەكوردتىق كورسەتكىشتەرگە قول جەتكىزدى. كومپانيا تاپسىرىس بەرۋشىلەرگە 201 304 ماشينا جەتكىزىپ, 206 421 ماشينا جاساپ شىعاردى.
سونداي-اق كومپانيا بەرلين ماڭىنداعى گريۋنحايد مۋنيتسيپاليتەتىندە گيگافابريكانىڭ جانە اقش-تىڭ تەحاس شتاتىنداعى تاعى ءبىر زاۋىت قۇرىلىسىنىڭ ءساتتى ءجۇرىپ جاتقانى تۋرالى حابارلادى. Model Y دەپ اتالاتىن العاشقى ەلەكتروكارلار وسى زاۋىتتاردىڭ كونۆەيەرىنەن جىل سوڭىنا دەيىن شىعادى دەپ جوسپارلانۋدا.
