اقش تاراپىنان مەملەكەتتىك حاتشى ەنتوني بلينكەن مەن يراك سىرتقى ىستەر مينيسترلىگىنىڭ باسشىسى فۋاد حۋسەين الداعى جوسپارلارىمەن ءبولىستى. تاراپتار اقش كونتينگەنتى قولدانعان بازالار يراكقا تيەسىلى ەكەنىن جانە سول ەلدىڭ زاڭىنا سايكەس جۇمىس ىستەيتىنىن مالىمدەدى. ال حالىقارالىق كونتينگەنت يراك ۇكىمەتىن دايش-پەن كۇرەستە قولداۋ ءۇشىن شاقىرىلعان.
تەحنيكالىق كەڭەستەردەن كەيىن قوس تاراپ قاۋىپسىزدىك سالاسىنداعى سەرىكتەستىك جاڭا فورماتقا كوشەتىنىن مالىمدەدى. ەندى يراكتىق اسكەردى اقش تاراپى وقىتىپ, تاجىريبەدەن وتكىزىپ, جاتتىقتىراتىن بولادى. بۇعان قوسا, بارلاۋ اقپاراتىن بولىسۋگە كەلىسىم بەردى.
سونىمەن 2021 جىلدىڭ 31 جەلتوقسانىنا قاراي اقش اسكەرى يراك جەرىنەن كەتەدى.
تاعى ايتا كەتەتىنى, اقش ۇكىمەتى يراكتىق اسكەرمەن قاتار كۇردتەردىڭ جاساعىن دايىنداۋعا دا قول ۇشىن بەرمەك. ەندى «پەشمەرگ» وكىلدەرى دە اقش-تىڭ وقۋ-جاتتىعۋىنا قاتىساتىن بولادى. وسىلايشا كەلەشەكتە قاۋىپتى كۇشتەرمەن ۇرىس جۇرگىزۋدىڭ, ستراتەگيا دايىنداۋدىڭ قىر-سىرىمەن تانىسپاق.
