الەم • 28 شىلدە, 2021

«تاليبانعا» اۋىر سوققى جاسالدى

675 رەت
كورسەتىلدى
1 مين
وقۋ ءۇشىن

اۋعانستاننىڭ ۇلتتىق قورعانىس جانە قاۋىپسىزدىك كۇشتەرى سوڭعى 24 ساعات ىشىندە «تاليبان» قوزعالىسىنىڭ 187 سودىرىن جويدى, تاعى 112 ادامىن جارالادى. بۇل تۋرالى سەيسەنبىدە اۋعانستان قورعانىس مينيسترلىگى ءوزىنىڭ Twitter-دەگى پاراقشاسىندا حابارلادى.

«تاليبانعا» اۋىر سوققى جاسالدى

ۆەدومستۆونىڭ مالىمەتىنشە, وتكەن تاۋلىكتە اۋعان قارۋلى كۇشتەرى كۋنار, لوگار, گازني, حوست, كانداگار, ۋرۋزگان, فارياب, بالح, دجاۋزجان, سامانگان, گيلمەند, تاحار, قۇندىز, باعلان جانە كاپيسا پروۆينتسيالارىندا جاۋىنگەرلىك وپەراتسيالار جۇرگىزدى.

بالح پروۆينتسياسىندا قاۋىپسىزدىك كۇشتەرى حايراتون قالاسىن جانە اۋعان­ستان مەن وزبەكستاندى بايلانىس­تى­راتىن ستراتەگيالىق ماڭىزدى كوپىر ورنالاسقان كالدار اۋدانىن «تالي­باننان» بوساتتى.

ال «تاليبان» كاپيسا پروۆين­تسيا­سىن­داعى دارا فارروح شاح جانە دارا كالان اۋداندارىندا قارسى شابۋىل جاسادى. فارياب پروۆينتسياسىندا «تاليبان» ارنايى كۇشتەرىنىڭ كومانديرلەرىنىڭ ءبىرى كاري حاياتۋللا ءولتىرىلدى.

سوڭعى جاڭالىقتار

استانا قالاسىنىڭ پروكۋرورى اۋىستى

تاعايىنداۋ • بۇگىن, 11:35