«قازىرگى سارىاعاش وتكىزۋ پۋنكتىندە جۇكتەمەنى ءتۇسىرۋدى قامتاماسىز ەتۋ ءۇشىن قازاقستان مەن وزبەكستان اراسىندا «داربازا-ماقتارال» جاڭا تەمىرجول جەلىسىن سالۋ جوسپارلانۋدا. «داربازا-ماقتارال-جيزاق» نەمەسە «داربازا-وزبەكستان» ستانتسياسى سارىاعاش وتكىزۋ پۋنكتىنىڭ اعىمداعى جۇكتەمەسىن ەسكەرە وتىرىپ, جاڭا وتكىزۋ پۋنكتى قۇرىلماق», دەدى جانىبەك تايجانوۆ.
ونىڭ ايتۋى بويىنشا, اتالعان جوبانى ىسكە اسىرۋ ۋچاسكەنىڭ وتكىزۋ قابىلەتىن 2 ەسە ۇلعايتۋعا, جۇكتەردى تاسىمالداۋ مەرزىمىن 1,5 ەسە قىسقارتۋعا مۇمكىندىك بەرەدى.
«بۇل جوبا ورتالىق ازيانىڭ ەۋروپاعا ەكسپورتتىق-يمپورتتىق اعىمىن قابىلداۋعا مۇمكىندىك بەرىپ, قازاقستاننىڭ حالىقارالىق نارىقتارداعى ۇستانىمىن نىعايتا تۇسەدى. قازىرگى ۋاقىتتا سارىاعاش ستانتسياسى ارقىلى جۇك تاسىمالداۋ شامامەن 26 مىڭ توننانى قۇرايدى, جاڭا وتكىزۋ پۋنكتىنىڭ قۇرىلىسىن اياقتاۋ قورىتىندىسى بويىنشا وزبەكستانمەن جۇك تاسىمالداۋ شامامەن 50 مىڭ تونناعا دەيىن ۇلعايادى دەپ بولجانۋدا», دەدى جانىبەك تايجانوۆ بريفينگتە.
