2013 جىلعى 30 جەلتوقسان, استانا, ۇكىمەت ءۇيى
«ازاماتتىق اۋە كەمەسى داناسىن سەرتيفيكاتتاۋ جانە ونىڭ ۇشۋعا جارامدىلىق نورمالارىنا سايكەستىگىنە كۋالىك بەرۋ قاعيدالارىن بەكىتۋ تۋرالى» قازاقستان رەسپۋبليكاسى ۇكiمەتiنiڭ 2012 جىلعى 23 قازانداعى №1341 قاۋلىسىنا وزگەرىستەر مەن تولىقتىرۋلار ەنگىزۋ تۋرالى
قازاقستان رەسپۋبليكاسىنىڭ ۇكىمەتى قاۋلى ەتەدى:
1. «ازاماتتىق اۋە كەمەسى داناسىن سەرتيفيكاتتاۋ جانە ونىڭ ۇشۋعا جارامدىلىق نورمالارىنا سايكەستىگىنە كۋالىك بەرۋ قاعيدالارىن بەكىتۋ تۋرالى» قازاقستان رەسپۋبليكاسى ۇكiمەتiنiڭ 2012 جىلعى 23 قازانداعى №1341 قاۋلىسىنا (قازاقستان رەسپۋبليكاسىنىڭ ءپۇاج-ى, 2012 ج., №75-76, 1101-قۇجات) مىناداي وزگەرىستەر مەن تولىقتىرۋلار ەنگىزىلسىن:
كورسەتىلگەن قاۋلىمەن بەكىتىلگەن ازاماتتىق اۋە كەمەسى داناسىن سەرتيفيكاتتاۋ جانە ونىڭ ۇشۋعا جارامدىلىق نورمالارىنا سايكەستىگىنە كۋالىك بەرۋ قاعيدالارىندا:
3-تارماقتىڭ 13) تارماقشاسى مىناداي رەداكتسيادا جازىلسىن:
«13) ساراپتامالىق ۇيىم – اۋە كەمەلەرىن پايدالانۋشىلاردى بىرىكتىرەتىن كوممەرتسيالىق ەمەس ۇيىم;»;
5-تارماق مىناداي رەداكتسيادا جازىلسىن:
«5. وسى قاعيدالاردا قامتىلعان راسىمدەر مەن جالپى تەحنيكالىق تالاپتار جەڭىل جانە اسا جەڭىل اۆياتسيانىڭ ەڭ اۋىر ۇشىپ كوتەرىلۋ سالماعى 2250 كگ اسپايتىن ااكد (ۇشاقتار مەن تىكۇشاقتار, موتورلى پلانەرلەر, اۆتوجيرلەر, اەروستاتتىق اۋە كەمەلەرى) قولدانىلادى.»;
8-تارماقتا:
5) تارماقشا مىناداي رەداكتسيادا جازىلسىن:
«5) زاڭدى تۇلعانى مەملەكەتتىك تىركەۋ (قايتا تىركەۋ) تۋرالى كۋالiكتiڭ* كوشiرمەسi نە انىقتاماسى نەمەسە جەكە تۇلعانىڭ جەكە كۋالىگىنىڭ كوشىرمەسى.
ەسكەرتپە: *«قازاقستان رەسپۋبليكاسىنىڭ كەيبىر زاڭنامالىق اكتىلەرىنە زاڭدى تۇلعالاردى مەملەكەتتىك تىركەۋ جانە فيليالدار مەن وكىلدىكتەردى ەسەپتىك تىركەۋ ماسەلەلەرى بويىنشا وزگەرىستەر مەن تولىقتىرۋلار ەنگىزۋ تۋرالى» 2012 جىلعى 24 جەلتوقسانداعى قازاقستان رەسپۋبليكاسىنىڭ زاڭى قولدانىسقا ەنگىزىلگەنگە دەيىن بەرىلگەن زاڭدى تۇلعانى (فيليالدى, وكىلدىكتى) مەملەكەتتىك (ەسەپتىك) تىركەۋ (قايتا تىركەۋ) تۋرالى كۋالىك زاڭدى تۇلعانىڭ قىزمەتى توقتاتىلعانعا دەيىن جارامدى بولىپ تابىلادى;»;
مىناداي مازمۇنداعى 6) تارماقشامەن تولىقتىرىلسىن:
«6) ازاماتتىق اۋە كەمەسى داناسىنىڭ سايكەستىك كۋالىگىن بەرگەنى ءۇشىن الىمنىڭ تولەنگەنىن راستايتىن قۇجاتتىڭ كوشىرمەسى قوسا بەرىلەدى.»;
9 جانە 10-تارماقتار مىناداي رەداكتسيادا جازىلسىن:
«9. ۋاكىلەتتى ورگان ءوتىنىمدى العان ساتتەن باستاپ بەس جۇمىس كۇنى ىشىندە ااكد-ءنىڭ ۇشۋعا جارامدىلىق نورمالارىنا سايكەستىگىن باعالاۋ ءۇشىن سەرتيفيكاتتىق تەكسەرۋ بويىنشا جۇمىستار جۇرگىزۋگە ساراپتامالىق ۇيىمدى تارتادى.
10. ازاماتتىق اۆياتسيا سالاسىنداعى ۋاكىلەتتى ورگان تەحنيكالىق ساراپتامالىق كوميسسيانى تارتا وتىرىپ, ااكد سايكەستىگىن سەرتيفيكاتتىق تەكسەرۋ باعدارلاماسىنا (بۇدان ءارى – باعدارلاما) سايكەس جانە سەرتيفيكاتتىق تەكسەرۋ جۇرگىزۋ جونىندەگى مەملەكەتتىك اۆياتسيا ينسپەكتورلارى ءۇشىن ازاماتتىق اۆياتسيا سالاسىنداعى ۋاكىلەتتى ورگان ازىرلەگەن نۇسقاۋلىق ماتەريالدى پايدالانا وتىرىپ, اك اەروديناميكالىق جانە بەرىكتىك سيپاتتامالارىن, كونسترۋكتسياسىن, ونىڭ جاسالۋ ساپاسىن (كۇردەلى جوندەلۋىن) باعالايدى.
باعدارلاما مىنالاردى قامتيدى:
1) كونسترۋكتورلىق جانە پايدالانۋ قۇجاتتاماسىن تەكسەرۋ;
2) كونسترۋكتسيانى, توراپتاردى, اگرەگاتتاردى, جۇيەلەر مەن جابدىقتاردى ەگجەي-تەگجەيلى تەكسەرۋدى جۇرگىزۋ (اسپاپتىق باقىلاۋدى قولدانۋدى قوسا العاندا);
3) جەر ءۇستى جانە ۇشۋ سىناقتارىن جۇرگىزۋ.
سەرتيفيكاتتىق تەكسەرۋ اياقتالعاننان كەيىن ازاماتتىق اۆياتسيا سالاسىنداعى ۋاكىلەتتى ورگان وسى قاعيدالارعا 2-قوسىمشاعا سايكەس نىسان بويىنشا ااكد تەحنيكالىق جاي-كۇيىن باعالاۋ جانە ۇشۋعا جارامدىلىعىن انىقتاۋ اكتىسىن رەسىمدەپ, قوسا بەرەدى:
1) وسى قاعيدالارعا 3-قوسىمشاعا سايكەس نىسان بويىنشا ۇجن سايكەستىك كۋالىگىنىڭ دەرەكتەر كارتاسى;
2) ااكد ۇشۋ-تەحنيكالىق تەكسەرۋ اكتىسى, ااكد ۇشۋ ساراپتاماسىنىڭ حاتتاماسى;
3) ااكد تەحنيكالىق قىزمەت كورسەتۋ باعدارلاماسى (رەگلامەنتى).
ەسكەرتپە: ااكد ۇشۋ-تەحنيكالىق تەكسەرۋ اكتىسى جانە ااكد ۇشۋ ساراپتاماسىنىڭ حاتتاماسى ەكى دانادا جاسالادى, ونىڭ بىرەۋى ءوتىنىش بەرۋشىگە بەرىلەدى.»;
11-تارماقتىڭ ءبىرىنشى بولىگى مىناداي رەداكتسيادا جازىلسىن:
«11. ااكد سەرتيفيكاتتاۋدىڭ جالپى مەرزىمى ءوتىنىم بەرىلگەن كۇننەن باستاپ كۇنتىزبەلىك 30 كۇندى قۇرايدى. قوسىمشا زەردەلەۋدى نەمەسە تەكسەرۋدى جۇرگىزۋ قاجەت بولاتىن جاعدايلاردا, قاراۋ مەرزىمى كۇنتىزبەلىك 30 كۇننەن اسپايتىن مەرزىمگە ۇزارتىلۋى مۇمكىن, بۇل تۋرالى ءوتىنىش بەرۋشىگە قاراۋ مەرزىمى ۇزارتىلعان كۇننەن باستاپ كۇنتىزبەلىك ءۇش كۇن ىشىندە حابارلانادى.»;
12-تارماق الىنىپ تاستالسىن;
13-تارماق مىناداي رەداكتسياداعى ءۇشىنشى جانە ءتورتىنشى بولىكتەرمەن تولىقتىرىلسىن:
«ەگەر سەرتيفيكاتتىق تەكسەرۋ كەزىندە سايكەسسىزدىكتەر انىقتالعان جاعدايدا, ءوتىنىش بەرۋشى ازاماتتىق اۆياتسيا سالاسىنداعى ۋاكىلەتتى ورگاننىڭ بەكىتۋى ءۇشىن سايكەسسىزدىكتەردى جويۋ بويىنشا جاۋاپتى ادامداردى جانە كۇنىن كورسەتىپ, تۇزەتۋ ءىس-قيمىلىنىڭ جوسپارىن جاسايدى.
ازاماتتىق اۆياتسيا سالاسىنداعى ۋاكىلەتتى ورگان تۇزەتۋ ءىس-قيمىلىنىڭ جوسپارىن بەكىتكەن ساتىنەن باستاپ سەرتيفيكاتتاۋ مەرزىمىنىڭ اعىمى انىقتالعان سايكەسسىزدىكتەر جويىلعانعا دەيىن توقتاتىلا تۇرادى.»;
15-تارماق مىناداي رەداكتسيادا جازىلسىن:
«15. ازاماتتىق اۋە كەمەسىنىڭ داناسىن سەرتيفيكاتتاۋ ءۇشىن «سالىق جانە بيۋدجەتكە تولەنەتىن باسقا دا مىندەتتى تولەمدەر تۋرالى» قازاقستان رەسپۋبليكاسىنىڭ كودەكسىندە (سالىق كودەكسى) ايقىندالاتىن تارتىپپەن جانە مولشەردە الىم تولەنەدى. سەرتيفيكاتتاۋ مەملەكەتتىك بيۋدجەتكە كورسەتىلگەن الىم تولەنگەننەن كەيىن جۇزەگە اسىرىلادى.»;
17-تارماق مىناداي رەداكتسيادا جازىلسىن:
«17. ااكد سەرتيفيكاتىنىڭ قولدانىلۋىن قالپىنا كەلتىرۋ ءوتىنىش بەرۋشى دالەلدەمە قۇجاتتاماسىمەن بىرگە ۇسىنعان ونىڭ قولدانىسىن توقتاتا تۇرۋعا اكەلگەن سەبەپتەردىڭ جويىلعانى تۋرالى اكتىگە ازاماتتىق اۆياتسيا سالاسىنداعى ۋاكىلەتتى ورگان كەلىسىم بەرگەن كۇننەن باستاپ جۇرگىزىلەدى.».
كورسەتىلگەن قاعيدالارعا 2-قوسىمشا وسى قاۋلىعا قوسىمشاعا سايكەس جاڭا رەداكتسيادا جازىلسىن.
2. وسى قاۋلى 1-تارماقتىڭ 2014 جىلعى 1 قاڭتاردان باستاپ قولدانىسقا ەنگىزىلەتىن ون ءبىرىنشى, ون ەكىنشى, وتىز ءبىرىنشى جانە وتىز ەكىنشى ابزاتستارىن قوسپاعاندا, العاشقى رەسمي جاريالانعانىنان كەيىن كۇنتىزبەلىك ون كۇن وتكەن سوڭ قولدانىسقا ەنگىزىلەدى.
قازاقستان رەسپۋبليكاسىنىڭ پرەمەر-ءمينيسترى س.احمەتوۆ.
قازاقستان رەسپۋبليكاسى ۇكىمەتىنىڭ
2013 جىلعى 30 جەلتوقسانداعى №1430 قاۋلىسىنا قوسىمشا
ازاماتتىق اۋە كەمەسى داناسىن سەرتيفيكاتتاۋ جانە ونىڭ ۇشۋعا جارامدىلىق نورمالارىنا سايكەستىگىنە كۋالىك بەرۋ قاعيدالارىنا 2-قوسىمشا
نىسان
«بەكىتەمىن»
ازاماتتىق اۆياتسيا سالاسىنداعى
ۋاكىلەتتى ورگاننىڭ
لاۋازىمدى ادامى
___________________
(قولى, ت.ا.ءا.)
20__ ج. «__»_________.
اۋە كەمەسى داناسىنىڭ تەحنيكالىق جاي-كۇيىن باعالاۋ جانە ۇشۋعا جارامدىلىعىن انىقتاۋ
اكتىسى
_________________________________________________________________
20 __ جىلعى « » ___________ № ____________ بۇيرىعىنا سايكەس
تەحنيكالىق ساراپتامالىق كوميسسيا مىناداي قۇرامدا:
توراعا: ________________________________________________________
(ت.ا.ءا., قىزمەتى)
كوميسسيا مۇشەلەرى:________________________________________________
(ت.ا.ءا., قىزمەتى)
_________________________________________________________________
(ت.ا.ءا., قىزمەتى)
ۇشۋ جارامدىلىعىن سەرتيفيكاتتاۋ باعدارلاماسى بويىنشا______________
___________________________________________________ باعالاۋ جۇرگىزدى.
(ۇيىمنىڭ اتاۋى)
ازاماتتىق اۋە كەمەلەرىنىڭ پايدالانۋعا جارامدىلىعىن باعالاۋ اكتىسىنىڭ ءماتىنى
اكتىنىڭ قورىتىندى بولىگىندە پايدالانۋ قۇجاتتاماسىنىڭ, اۋە كەمەسى مەن ونىڭ جابدىعىنىڭ ازاماتتىق اۋە كەمەسىنىڭ داناسىنا بەلگىلەنگەن تالاپتارعا جانە قازاقستان رەسپۋبليكاسىنىڭ ازاماتتىق اۆياتسيا سالاسىنداعى نورماتيۆتىك قۇقىقتىق اكتىلەرىنە, مالىمدەلەتىن ۇشۋ تۇرلەرىنە سايكەستىگى (سايكەسسىزدىگى) كورسەتىلەدى.
توراعا: _________________ ________________________
(ت.ا.ءا.) (قولى)
كوميسسيا مۇشەلەرى: _______________ _______________
(ت.ا.ءا.) (قولى)
_______________ _______________
(ت.ا.ءا.) (قولى)
اكتىمەن تانىستىم:
ۇيىم باسشىسى ________________________ _____________
(ت.ا.ءا.) (قولى)
