وسىدان ون شاقتى جىل بۇرىن تالاس اۋدانىنداعى امانگەلدى گاز كەن ورنىنا بۇرعى ءتىسى العاش رەت باتىرىلعان كەزدەگى قۋانىش ۇستىندە كەجەگەسى كەيىن تارتقان كەيبىرەۋلەر «مۇنىڭ قىزىعىن كورگەنشە كىم بار, كىم جوق» دەپ ۋايىم سوعىپ ەدى.
«كورىنگەن تاۋدىڭ الىستىعى جوق» دەگەن راس ەكەن.
وسىدان ون شاقتى جىل بۇرىن تالاس اۋدانىنداعى امانگەلدى گاز كەن ورنىنا بۇرعى ءتىسى العاش رەت باتىرىلعان كەزدەگى قۋانىش ۇستىندە كەجەگەسى كەيىن تارتقان كەيبىرەۋلەر «مۇنىڭ قىزىعىن كورگەنشە كىم بار, كىم جوق» دەپ ۋايىم سوعىپ ەدى.
«كورىنگەن تاۋدىڭ الىستىعى جوق» دەگەن راس ەكەن.
وبلىستىڭ سول تۇستاعى اكىمى سەرىك ۇمبەتوۆتىڭ بىلىكتىلىگىمەن جۇزەگە اسقان جوبا وتكەن ون جىلدىڭ بەدەرىندە ءوڭىر ەكونوميكاسىنىڭ دامۋىنا ايتارلىقتاي ۇلەس قوستى. اۋىلداعى اعايىندار ءۇشىن ەكى قولعا ءبىر جۇمىس تا تابىلدى. ەندى, مىنە, ارمان بولعان سول گاز وبلىس ورتالىعىنان شالعايدا جاتقان اۋىل تۇرعىندارىنىڭ ۇيىنە دە كىرگىزىلە باستادى.
جاقىندا وبلىس اكىمى كارىم كوكىرەكباەۆ وسى اۋدانداعى تالاپتى, بوستاندىق, اققۇم, تامابەك جانە سەيىلبەك اۋىلدارىنداعى ۇيلەرگە قوسىلعان تابيعي گاز قۋانىشىنا ورتاقتاسىپ قايتتى. اتالعان اۋىلدارداعى 2195 ءۇيدىڭ يەلەرى ەندى تابيعي گازدىڭ قىزمەتىن اۋىلدا وتىرىپ-اق پايدالاناتىن بولادى. ول ءۇشىن بيۋدجەتتەن وتكەن جىلى 475, 3 ميلليون تەڭگە جۇمسالىپتى. بيىل جۇمىس جالعاسىن تاۋىپ, ەندى ءسادۋ شاكىروۆ, ويىق جانە تۇرىمقۇل اۋىلدارى تۇرعىندارىنىڭ وتباسىلارىنا دا تابيعي گاز جەتكىزىلىپ بەرىلەدى. بۇل يگىلىككە مەملەكەت قارجىسىنان 464,7 ميلليون تەڭگە ءبولىنىپتى.
كوسەمالى ساتتىباي ۇلى,
«ەگەمەن قازاقستان».
جامبىل وبلىسى,
تالاس اۋدانى,
تالاپتى اۋىلى.
