شىمكەنت قالالىق پد ەسىرتكى قىلمىسىنا قارسى ءىس-قيمىل باسقارماسىنىڭ قىزمەتكەرلەرى «قاراسورا-2021» جەدەل-پروفيلاكتيكالىق ءىس-شاراسى بارىسىندا سينتەتيكالىق ەسىرتكى زاتتارىن تاراتۋمەن اينالىسقان بەس كۇدىكتىنى قاماۋعا الدى.
كۇدىكتىلەر جالعا پاتەر الىپ, وندا ەسىرتكى زاتتارىن الدىن الا بولشەكتەۋ ارقىلى ساتۋعا دايارلاپ, تۇنگى ۋاقىتتا قالا اۋماعىنداعى جاسىرىن ورىندارعا تىعىپ جۇرگەن.
ەسىرتكىنى قالدىرعان ورىندار تۋرالى ولار الەۋمەتتىك جەلىدەگى ەسىرتكى ساۋداسىنا ارنالعان ارنايى پاراقشادا اقپارات بەرىپ, اقشالاي قاراجات الىپ وتىرعان.
