تاۋەلسىزدىكتىڭ 30 جىلدىعى • 21 شىلدە، 2021

تاۋەلسىزدىكتىڭ 30 جىلدىعى: ەلوردادا 500-دەن استام ءىس-شارا وتەدى

44 رەت كورسەتىلدى

نۇر-سۇلتاندا جىل باسىنان بەرى ەل تاۋەلسىزدىگىنىڭ 30 جىلدىعىنا ارنالعان حالىقارالىق، رەسپۋبليكالىق، قالالىق جانە اۋداندىق دەڭگەيلەردە 300-دەن استام ءتۇرلى ءىس-شارا وتكىزىلدى. مەرەيتويلىق كۇندى اتاپ ءوتۋدىڭ ارالىق قورىتىندىلارى تۋرالى ونلاين-بريفينگتە نۇر-سۇلتان قالاسى ىشكى ساياسات باسقارماسىنىڭ باسشىسى داۋرەن بابامۇراتوۆ ءمالىم ەتتى، دەپ حابارلايدى ەلوردا اكىمدىگىنىڭ رەسمي سايتى.

ەل تاۋەلسىزدىگىنىڭ 30 جىلدىق مەرەيتويىن مەرەكەلەۋگە دايىندىق ماقساتىندا ەلوردادا 800-دەن استام ءتۇرلى فورماتتاعى ءىس-شارالاردى قامتيتىن بىرىڭعاي قالالىق جوسپار قۇرىلدى. ونىڭ ىشىندە 80-نەن استامى – حالىقارالىق جانە رەسپۋبليكالىق دەڭگەيدە، 700-دەن استامى – قالالىق جانە اۋداندىق دەڭگەيدە.

«جاستار اراسىندا سپورتتى ناسيحاتتاۋ، وسكەلەڭ ۇرپاقتى سالاۋاتتى ءومىر سالتىنا تاربيەلەۋ ماقساتىندا قالا اكىمدىگى تاۋەلسىزدىكتىڭ 30 جىلدىعىن مەرەكەلەۋ اياسىندا بىرقاتار رەسپۋبليكالىق جانە قالالىق سپورتتىق ءىس-شارالار وتكىزدى. سونداي-اق قالا تۇرعىندارىن بۇقارالىق سپورتقا تارتۋ ءۇشىن بىرقاتار سپورت نىساندارى اشىلدى: بوكس ورتالىعى، كوركەم گيمناستيكا ورتالىعى جانە جەكپە-جەك زالى، سول سياقتى ەلوردانىڭ ەلدى مەكەندەرىندە دەنە شىنىقتىرۋ-ساۋىقتىرۋ كەشەندەرى ء(وندىرىس، كوكتال ەلدى مەكەندەرىندەگى دسك)، 2 جاۋىنگەرلىك ونەر ورتالىعى»، دەپ حابارلادى داۋرەن بابامۇراتوۆ.

سونىمەن قاتار ەل تاۋەلسىزدىگىنىڭ 30 جىلدىعىنا وراي ەلوردانىڭ مادەنيەت مەكەمەلەرى وفلاين جانە ونلاين رەجيمدە ارنايى تاقىرىپتاعى كونتسەرتتىك باعدارلامالار، سپەكتاكلدەر، قويىلىمدار، شىعارماشىلىق كەشتەر، كورمەلەر جانە ەكسكۋرسيالار وتكىزەدى.

باسقارما باسشىسىنىڭ ايتۋىنشا ماۋسىم-شىلدە ايلارىندا نۇر-سۇلتاندا قر مەملەكەتتىك رامىزدەرى كۇنى، مەديتسينا قىزمەتكەرلەرى كۇنى، قازاقستان پوليتسياسى كۇنى جانە ەلوردا كۇنى سياقتى مەرەكەلەرگە ارنالعان 200-دەن استام ءتۇرلى ءىس-شارا وتكىزىلدى. 

«بيىل ەلوردا كۇنىن مەرەكەلەۋ الەۋمەتتىك جوبالارعا ارنالدى جانە تەك الەۋمەتتىك سيپاتقا يە بولدى. وسىلايشا، حالىقتىڭ الەۋمەتتىك وسال توپتارى اراسىندا كەزەكتە تۇرعاندارعا پاتەر كىلتى تاپسىرىلدى، قۇرىلىسى ۇزاققا سوزىلعان 20 ءۇي اياقتالدى، ءوندىرىس جانە كوكتال ەلدى مەكەندەرىندە ءىرى دەنە شىنىقتىرۋ-ساۋىقتىرۋ كەشەندەرى پايدالانۋعا بەرىلدى.

سونىمەن قاتار كورۋ قابىلەتى بۇزىلعان بالالارعا ارنالعان مامانداندىرىلعان بالاباقشا اشىلدى، 50-دەن استام اۋلانىڭ، 10-عا جۋىق قوعامدىق كەڭىستىكتىڭ قۇرىلىسى اياقتالدى»، دەدى باسقارما باسشىسى.

بۇدان بولەك، ەلوردادا قازاق حالقىنىڭ بەلگىلى تۇلعالارى — دينا نۇرپەيىسوۆاعا، قانىش ساتپاەۆقا، ءاليحان بوكەيحانعا، احمەت بايتۇرسىن ۇلىنا جانە مىرجاقىپ دۋلات ۇلىنا ەسكەرتكىشتەر ورناتىلدى. سونداي-اق تاۋەلسىزدىك مەرەيتويىنا وراي نۇر-سۇلتاندا «قۇتقارۋشىلار ساياباعى» اشىلدى.

جىل سوڭىنا دەيىن قالادا قازاقستان تاۋەلسىزدىگىنىڭ 30 جىلدىعىنا ارنالعان جۇزدەگەن سپورتتىق، مادەني، عىلىمي-تانىمدىق، قايىرىمدىلىق ءىس-شارالارى وتكىزىلەدى. بۇل جاعدايدا سانيتارلىق نورمالار مەن شەكتەۋ شارالارى قاتاڭ ساقتالادى.

سوڭعى جاڭالىقتار

«شىڭىراۋ» شىڭعا شىقسىن

ونەر • بۇگىن، 00:18

تىڭ تاسىلدەردىڭ ءتيىمدى تۇسى كوپ

مەديتسينا • بۇگىن، 00:14

پاسپورت

رۋحانيات • كەشە

جەكە پەسا جازۋعا لايىق

رۋحانيات • كەشە

انا مەيىرىمى

قوعام • كەشە

دوللار ارزاندادى

قارجى • كەشە

ۇقساس جاڭالىقتار