ەسىل اۋدانىندا «تەكيلا» لاۋندج-بارى مەن «LAVASH FOOD» فاست-فۋد پۋنكتى جۇمىس رەجيمىن بۇزعان.
سونداي-اق تىيىم سالىنعان ۋاقىتتا بايقوڭىر اۋدانىندا ورنالاسقان «سotton» جانە «Kids vau» دۇكەندەرى جۇمىس ىستەدى.
سارىارقا اۋدانىنىڭ مونيتورينگتىك توبى بىردەن 6 كاسىپكەرلىك نىسانىندا: «تسەزار» كافەسىندە, «ارمان قالا», «ميراس», «سامال» مەيرامحانالارىندا, «Hot2be» كاراوكەسىندە, «Champ» ويىن كلۋبىندا كارانتين تالابىنىڭ بۇزىلعانىن انىقتادى.
سونىمەن قاتار بەلگىلەنگەن ۋاقىتتان كەيىن الماتى اۋدانىنداعى «الۋا» كافەسى, «بەلەس» مەيرامحاناسى جانە «Cotton» دۇكەنى جۇمىسىن جالعاستىرعان.
جينالعان ماتەريالدار ءتيىستى شارالار قابىلداۋ ءۇشىن اۋداندىق سانيتارلىق-ەپيدەميولوگيالىق باقىلاۋ باسقارماسىنا تاپسىرىلدى.
ەستەرىڭىزگە سالا كەتەيىك, نۇر-سۇلتانداعى ەپيدەميولوگيالىق احۋال ءالى دە تۇراقسىز, كوروناۆيرۋسپەن اۋىرعاندار سانى بىرنەشە ەسە ءوستى. وسىعان بايلانىستى قالا تۇرعىندارى مەن قوناقتارى, سونداي-اق كاسىپكەرلىك نىساندار سانيتارلىق نورمالار مەن تالاپتاردى ساقتاۋى ءتيىس.
