قوعام • 14 شىلدە، 2021

ءبىر ورىنعا – ءۇش ۇمىتكەر

36 رەت كورسەتىلدى

باتىس قازاقستان وبلىسىندا 25 شىلدە كۇنى 31 اۋىل اكىمىن حالىق ءوزى سايلاپ الماق. وڭىردەگى 12 اۋداننىڭ 9-ىندا سايلاۋ وتەدى.

بۇل جونىندە وبلىستىق سايلاۋ كوميسسياسىنىڭ توراعاسى عايسا قاپاقوۆ حابارلادى. 

ساراپتاماعا قاراعاندا، 26 اۋىلدا بۇرىنعى اكىمنىڭ وكىلەتتىك مەرزىمى اياقتالعاندىقتان، سايلاۋ وتسە، 5 ەلدى مەكەننىڭ باسشىسى قىز­مەتىنەن ەرتە كەتىپ قالعان. ەندى بۇل ورىندارعا بارلىعى 93 ۇمىت­كەر تالاسىپ وتىر. ونىڭ ىشىن­دە 40 ۇمىتكەردى ساياسي پارتيا­لار ۇسىنسا، 53 ۇمىتكەر ءوزىن ءوزى ۇسىن­عان ەكەن.

«ورتا ەسەپپەن ءبىر ورىنعا ءۇش ۇمىتكەر باسەكەلەس بولىپ وتىر. بايتەرەك، ءبورلى، جاڭاقالا، قازتالوۆ اۋداندارىنىڭ جالپى سانى 9 وكرۋگىندە ءبىر لاۋازىمعا 4 ۇمىت­كەر تىركەلدى. ال تاعى 9 اۋىلدا اكىم سايلاۋى تەك قوس ۇمىتكەر­دىڭ اراسىندا وتەدى»، دەدى عايسا قا­پاقوۆ.

الداعى سايلاۋدا ءوز مۇشەسىن ۇمىتكەر ەتىپ بايگەگە قوسقان پارتيالار اراسىندا Nur Otan پارتياسى كوش باستاپ تۇر. بۇل پارتيادان 25 ۇمىتكەر بايگەگە تۇسەدى. ودان باسقا، ساياسي باسەكەگە «اۋىل» مەن اDAL پارتيالارى – 5 ۇمىتكەردەن، حالىقتىق پارتيا – 3 ۇمىتكەر، «اق جول» مەن «جسدپ» 1 كانديداتتان ۇسىنعان.

جوعارىدا ايتىلعان 93 ۇمىت­كەردىڭ 6-ۋى عانا – ايەل. 45 ۇمىتكەر قازىردىڭ وزىندە مەملەكەتتىك قىزمەت اتقارىپ جۇرسە، ونىڭ 20-سى – ءوزى سايلاۋعا تۇسكەلى وتىرعان وكرۋگتە اكىم بولعان. بۇلاردىڭ ءبارى دە سايلاۋعا پارتيا مانداتى بويىنشا تۇسكەلى وتىر.

سايلاۋ دوداسىنا تۇسكەلى وتىر­عان باتىسقازاقستاندىق ۇمىت­­كەرلەردىڭ ورتا جاسى – 41. ءبورلى اۋدانىندا 26 جاستاعى ۇمىت­­كەر تىركەلگەن، بۇل ەڭ جاس كان­ديدات. ال ەڭ ەگدە، ياعني 60 جاس­تاعى ۇمىتكەر – بوكەي ورداسى اۋدانىندا.

اۋىل اكىمى لاۋازىمىنان ۇمىتكەرلەردىڭ 6-ۋى – ەكونوميست، 10-ى – زاڭگەر ەكەن.

60 ۇمىتكەر ءوزى سايلاۋعا تۇس­كەلى وتىرعان اۋىلدىق وكرۋگتە، 27 ۇمىتكەر اۋدان ورتالىعىندا تۇرادى.

«9 شىلدەگە دەيىن 82 كان­دي­داتتىڭ قۇجاتىن تەكسەرىپ، زاڭعا سايكەستىگىن انىقتادىق، ءبارى دە تالاپقا ساي. سونىڭ ىشىندە 66 ادام ۇمىتكەر رەتىندە ناقتى تىر­كەلدى»، دەدى عايسا قاپاقوۆ.

ايتا كەتەيىك، سايلاۋ­شى­لار­دىڭ سانى جونىنەن 6671 داۋىس بەرۋشى تىركەلگەن تەرەكتى اۋدانىنىڭ پودستەپنوە اۋىلى ەڭ الدا. ال ءبورلى اۋدانىنىڭ قاراقۇدىق اۋىلدىق وكرۋگىندە نەبارى 180 سايلاۋشى بار ەكەن. اۋدان ورتالىعىنان ەڭ شال­عاي جاتقان ەلدى مەكەن­دەر قا­تارىندا اقجايىق اۋدا­نىنىڭ سارىتوعاي اۋىلى مەن بوكەي ورداسى اۋدانىنىڭ سارال­جىن اۋىلى بار. ولار اۋدان ور­تا­لىعىنان 200 كيلومەتر قا­شىقتىقتا ور­نالاسقان. سونداي-اق 10 ەلدى مەكەندە سايلاۋ بولىمشەسى جوق، ولاردىڭ تاڭداۋىن انىقتاۋ ءۇشىن جىلجىمالى سايلاۋ جاشىگى ۇيىمداستىرىلماق.

 

باتىس قازاقستان وبلىسى

 

سوڭعى جاڭالىقتار

دجەرۆونتا دەۆيس جەڭىل سالماقتى تاڭدادى

كاسىپقوي بوكس • بۇگىن، 17:45

ۇقساس جاڭالىقتار