ەلوردا • 12 شىلدە، 2021

نۇر-سۇلتاندا كۇنىنە 8 مىڭداي ادام ەكپە سالدىرۋدا

42 رەت كورسەتىلدى

ەلوردادا ۆاكتسيناتسيا العاندار قاتارى ارتىپ كەلەدى. ماۋسىم ايىندا كۇنىنە ورتا ەسەپپەن 1500-2000 ادام ەكپە السا، قازىر كۇنىنە 8 مىڭعا جەتتى، دەپ حابارلايدى Egemen.kz.

قازىرگى ۋاقىتتا ۆاكتسينانىڭ ءبىرىنشى كومپونەنتىن 286 مىڭعا جۋىق ادام الدى. ال 172 مىڭنان استام ادام تولىق يممۋنداۋدان ءوتتى. ۆاكتسيناتسيانىڭ ءوسۋ قارقىنى قالاداعى ەپيدەميولوگيالىق جاعدايدى جاقسارتۋعا، قالا تۇرعىندارى اراسىندا كوروناۆيرۋس ينفەكتسياسىن توقتاتۋعا، مەكتەپ وقۋشىلارى مەن ستۋدەنتتەردىڭ وفلاين وقىتۋ فورماتىنا ورالۋىنا، سونداي-اق ۇجىمدىق يممۋنيتەتتى قالىپتاستىرۋعا مۇمكىندىك بەرەدى.

قالانىڭ قوعامدىق دەنساۋلىق ساقتاۋ باسقارماسى ەڭبەك ۇجىمدارى مەن جەكەلەگەن ۇيىمداردىڭ قىزمەتكەرلەرىن ۆاكتسيناتسيالاۋ جۇمىسى بەلسەندى جۇرگىزىلىپ جاتقانىن حابارلادى. ساۋدا كەشەندەرى مەن ساۋدا ۇيلەرىنەن، كوممۋنالدىق قىزمەتتەردەن، پيك (ميب) قىزمەتكەرلەرىنەن، ءىرى قۇرىلىس كومپانيالارىنان، مەكتەپكە دەيىنگى جانە ءبىلىم بەرۋ مەكەمەلەرىنەن، جەكە ۇيىمداردان جانە ت.ب. وتىنىشتەر تۇسۋدە.

«باسشىلىق ۇجىمىمىزدى ۆاكتسينالاۋ ءۇشىن ارنايى بريگادا كەلەتىنىن ءمالىم ەتتى. بۇل ءبىز ءۇشىن جاسالىپ وتىرعان قولايلى جاعداي دەپ سانايمىز. تاڭنان كەشكە دەيىن جۇمىستامىز، ۆاكتسينا الۋعا باراتىن ۋاقىتىمىز بولمايدى. ال وزىمدە ۆاكتسيناتسياعا دەگەن ەشقانداي قورقىنىش، الاڭداۋشىلىق بولعان ەمەس. قايتا اۋىرىپ، اينالاما جۇقتىرۋدان قورقامىن. ارىپتەستەرىممەن ويىمىز ءبىر، سول سەبەپتى ەكپە الۋ ءۇشىن كەزەكتە تۇرمىز»، دەيدى بانك قىزمەتكەرى قالامقاس ءادىلجانوۆا.

ەسكە سالا كەتەيىك، ەلوردا تۇرعىندارىن ۆاكتسيناتسيالاۋعا ىنتالاندىرۋ ءۇشىن ءتۇرلى سىيلىقتاردىڭ ۇتىس ويىنى ءوتىپ جاتىر.

سوڭعى جاڭالىقتار

دوللار ارزاندادى

قارجى • كەشە

ۇقساس جاڭالىقتار