ۆيرتۋالدى تۋر قر پرەزيدەنتىنىڭ «بولاشاق» حالىقارالىق ستيپەندياسى تۇلەكتەرىنىڭ قاۋىمداستىعى مەن ەلوردا اكىمدىگىنىڭ قولداۋىمەن قر تاۋەلسىزدىگىنىڭ 30 جىلدىعى جانە قاۋىمداستىقتىڭ 20 جىلدىق مەرەيتويىنا وراي ازىرلەندى.
ەلباسى كىتاپحاناسىنىڭ مۋزەيى قازاقستان رەسپۋبليكاسىنىڭ تۇڭعىش پرەزيدەنتى رەزيدەنتسياسىنىڭ عيماراتىندا ورنالاسقان, وندا ول 1997-2004 جىلدار ارالىعىندا ەلوردا الماتىدان استاناعا كوشكەننەن كەيىن جۇمىس ىستەگەن.
ەلباسىنىڭ كابينەتى, قابىلداۋ بولمەسى مەن ءماجىلىس زالدارى سول جىلدارداعى جۇمىس كۇندەرىنىڭ اتموسفەراسىن سەزىنۋگە مۇمكىندىك بەرەدى. سونىمەن قاتار, كىتاپحانا مۋزەيىندە نۇرسۇلتان نازارباەۆتىڭ ءومىرى مەن قىزمەتى ارقىلى تاۋەلسىز قازاقستاننىڭ قالىپتاسۋى مەن دامۋىنىڭ نەگىزگى كەزەڭدەرىن اشىپ كورسەتەتىن بىرەگەي ەكسپوناتتار ۇسىنىلعان.
دەربەس كىتاپحانا قورىنىڭ نەگىزىن ەلباسىنىڭ قازاقستان رەسپۋبليكاسىندا جانە شەتەلدە شىعارىلعان كىتاپتارى مەن ونىڭ اۆتورلىق تۋىندىلارى; اۆتورلاردىڭ ءبىرىنشى پرەزيدەنتكە بەرگەن كىتاپتارى مەن باسقا دا باسپا باسىلىمدارى; سيرەك كەزدەسەتىن, كوللەكتسيالىق جانە سىيلىق باسىلىمدارى; بيوبيبليوگرافيالىق جانە بيبليوگرافيالىق كورسەتكىشتەر مەن ەلەكتروندىق باسىلىمدار قۇرايدى.
كىتاپحانانىڭ ءاربىر ءبولىمى كەزەڭ-كەزەڭىمەن قازاقستان رەسپۋبليكاسىنىڭ تۇڭعىش پرەزيدەنتى تۇلعاسىنىڭ اۋقىمىن, ەلباسىنىڭ ۇلتتىق جانە الەمدىك تاريحتاعى ەرەكشە ءرولىن اشىپ كورسەتەدى. بىرەگەي تاريحي قۇجاتتار, ارحيۆتىك فوتو جانە بەينەماتەريالدار, جەكە قۇجاتتاردىڭ كوشىرمەلەرى, ەلباسى كىتاپحاناسىنىڭ مۋزەي, كىتاپحانا جانە ارحيۆ قورلارىنىڭ گازەتتىك جاريالانىمدارى مەن ەكسپوناتتارى تاۋەلسىز قازاقستان تاريحىنىڭ اسا ماڭىزدى وقيعالارىنىڭ اتموسفەراسىنا ەنۋگە مۇمكىندىك بەرەدى.
جوبا بەتىندە پايدالانۋشى ديسپلەي قوراپتارىن «قاراپ», كامەرا بەينەسى بار بەلگىشەلەردى باسۋ ارقىلى ورتالىقتى ۆيرتۋالدى تۇردە زەرتتەي الادى. ەكراندا قىسقاشا انىقتامالارى بار فوتوسۋرەتتەر پايدا بولادى — ولاردى سلايد سەكىللى اينالدىرىپ كورۋگە بولادى.
