ورتالىق كوممۋنيكاتسيالار قىزمەتىندە وتكەن بريفينگ بارىسىندا باق وكىلدەرىنىڭ وسى جانە وزگە دە سۇراقتارىنا «ازاماتتارعا ارنالعان ۇكىمەت» مەملەكەتتىك كورپوراتسياسى» كەاق باسقارما توراعاسى ءادىل قوجىقوۆ پەن ونىڭ ورىنباسارلارى جان-جاقتى جاۋاپ بەردى.
ەلىمىزدە جىل سوڭىنا دەيىن بۇلتتى ەلەكتروندى تسيفرلىق قولتاڭبا ەنگىزۋ جوسپارلانۋدا. بۇل – «ازاماتتارعا ارنالعان ۇكىمەت» ۇسىنىپ وتىرعان جاڭا سەرۆيستەردىڭ ءبىرى. باسقارما توراعاسىنىڭ ءبىرىنشى ورىنباسارى سۇيەنىش ءابدىلديننىڭ مالىمدەۋىنشە, وتكەن جىلى 4,8 ميلليون قازاقستاندىق ەتسق الۋ ءۇشىن حالىققا قىزمەت كورسەتۋ ورتالىعىنا كەلگەن. «بۇل بارلىق وتىنىشتەردىڭ 30 پايىزىن قۇرادى. وسىعان وراي, قازىرگى تاڭدا تسيفرلىق دامۋ مينيسترلىگى «ۇلتتىق اقپاراتتىق تەحنولوگيالار» اق-پەن بىرلەسىپ بۇلتتى ەتسق ەنگىزۋ ماسەلەسىن پىسىقتاۋدا. بۇل جوبا تسيفرلى قولتاڭبا الۋ پروتسەسىن ايتارلىقتاي جەڭىلدەتۋگە مۇمكىندىك بەرەدى. بۇل شەشىم حالىقتى ونلاين رەجىمگە كوشىرۋدىڭ كىلتى بولادى دەپ سانايمىز», دەيدى سپيكەر.
ول سونداي-اق حالىقتىڭ كوپشىلىگى مەملەكەتتىك قىزمەت الۋ ءۇشىن ءالى كۇنگە دەيىن حقو-عا كەلۋدى ءجون كورەتىنىن مالىمدەدى. «قىزمەتتەردى تالداۋ تەك 6 قىزمەت ءتۇرى قىزمەت الۋشىلاردىڭ 75 پايىزىن قامتيتىنىن كورسەتىپ وتىر», دەگەن س.ءابدىلدين ءوز سوزىندە بۇلتتى ەتسق-نىڭ قالاي جۇمىس ىستەيتىنىن دە ءتۇسىندىرىپ ءوتتى.
«ەلەكتروندى قولتاڭبا بيومەتريالىق دەرەكتەر بويىنشا جۇمىس ىستەيدى. وتكەن جىلدىڭ كۇزىنەن باستاپ mGov ءموبيلدى قوسىمشاسىندا اۆتورلاندىرۋ جانە بيومەتريالىق دەرەكتەر ارقىلى تىركەۋ ىسكە قوسىلدى. جۇيەنىڭ ءوزى فايلدىق بولمايدى, ال ەتسق قاشىقتاعى سەرۆەرلەردە ساقتالادى. تسيفرلى قولتاڭبا بيومەتريالىق سايكەستەندىرۋ ارقىلى الىنادى. سول سەبەپتى قىزمەت الۋشىلارعا بۇرىنعىداي ۇنەمى وزدەرىمەن بىرگە جەكە كۋالىكتەرىن نەمەسە فلەشكا مەن كومپيۋتەردە ەتسق الىپ ءجۇرۋ مىندەتتى ەمەس. حالىقتىڭ دەنى قىزمەت كورسەتۋ ورتالىقتارىنا فلەش-ديسكىلەرىن جوعالتىپ الىپ, ەلەكتروندى قولتاڭبالارىن جاڭارتۋ ءۇشىن كەلەدى. ال ەگەر ەتسق بۇلتتى بولعان جاعدايدا بۇل دەرەكتىڭ بارلىعى قاشىقتاعى سەرۆەردە ساقتالىپ تۇرادى. ادامدار جەكە باسىن بيومەتريالىق راستاعان كەزدە قولتاڭبانى اۆتوماتتى تۇردە شىعارىپ الىپ, ءتيىستى قۇجاتتارعا قول قويا الادى», دەپ ءتۇسىندىردى سپيكەر.
سونداي-اق ەندى ازاماتتار حقو-عا كەلگەن كەزدە كاسساعا كەزەككە تۇرىپ, ۋاقىت وزدىرماي بىردەن Homebank, Kaspi.kz قوسىمشالارىنداعى QR كودتىڭ كومەگىمەن مەملەكەتتىك قىزمەتتەر ءۇشىن تەز جانە قاۋىپسىز تولەم جاساي الادى.
QR كودپەن, مىسالى, جەر ۋچاسكەلەرىنە اكتىلەردى دايىنداۋ جانە بەرۋ, جىلجىمايتىن م ۇلىككە قۇقىقتاردى تىركەۋ, كوندومينيۋم وبەكتىسىن جانە جەر قاتىناستارى, جىلجىمايتىن جانە جىلجىمالى م ۇلىك, سونداي-اق زاڭدى تۇلعالاردى مەملەكەتتىك تىركەۋ سالاسىنداعى باسقا دا مەملەكەتتىك قىزمەتتەر ءۇشىن تولەم جاساۋعا بولادى. ال QR تولەمدى پايدالانا المايتىن كليەنتتەر ءۇشىن بانكتەرمەن بىرلەسىپ, حقو وپەراتورلارىندا POS تەرمينالدار ورناتۋ ماسەلەسى دە شەشىلۋدە.
بريفينگ بارىسىندا باسقارما توراعاسى ءادىل قوجىقوۆ «ازاماتتارعا ارنالعان ۇكىمەتتىڭ» مەملەكەتتىك قىزمەتتەردى كورسەتۋدە ەلىمىزدەگى بىرىڭعاي پروۆايدەر ەكەنىن اتاپ ءوتىپ, ءتورت ءتۇرلى مەكەمەنىڭ قوسىلۋىنان پايدا بولعان كورپوراتسيانىڭ قۇرىلعانىنا بيىل 5 جىل تولعانىن دا ەسكە سالىپ ءوتتى.
«كوپشىلىك ءبىزدى حالىققا قىزمەت كورسەتۋ ورتالىقتارىنا جاۋاپتى مەكەمە رەتىندە بىلەدى. الايدا ودان بولەك, جەر كاداسترى, جىلجىمايتىن م ۇلىك, الەۋمەتتىك تولەمدەر مەن زەينەتاقىنى ەسەپتەۋ, زاڭدى تۇلعالاردى تىركەۋ سياقتى باعىتتارىمىز بار. كورپوراتسيا مەملەكەتتىك رەەستردەگى 659 قىزمەت ءتۇرىن كورسەتەدى. بەس جىل ىشىندە قازاقستاندىقتارعا 150 ميلليوننان استام قىزمەت كورسەتىلدى», دەدى باسقارما توراعاسى.
قازىرگى تاڭدا مەملەكەتتىك كورپوراتسيادا 22 مىڭ مامان جۇمىس ىستەسە, وبلىستار مەن ءۇش مەگاپوليستە بارلىعى 17 فيليالى ىسكە قوسىلعان. سونىمەن قاتار اۋىل-اۋدانداردى قامتيتىن 339 حالىققا قىزمەت كورسەتۋ ورتالىعى, جىلجىمايتىن م ۇلىك پەن جەر كاداسترى, الەۋمەتتىك تولەمدەر بويىنشا بارلىعى 442 بەك-وفيس اشىلعان. بۇدان بولەك, شالعاي جاتقان ەلدى مەكەندەرگە باراتىن 69 ءموبيلدى حقو قىزمەت كورسەتەدى.
