«وتباسى بانك» اق-دا اشىلعان قازاقستاندىقتاردىڭ ارنايى شوتتارىنا بىرىڭعاي جيناقتاۋشى زەينەتاقى قورى 2021 جىلعى 8 شىلدەدەگى جاعداي بويىنشا 1,5 تريلليون تەڭگەدەن استام اۋداردى. 176 ميلليارد تەڭگە كولەمىندەگى قاراجات 45 كۇن وتكەننەن كەيىن پايدالانىلماعان رەتىندە بجزق-عا قايتارىلدى. 205 659 قازاقستاندىق enpf-otbasy.kz پلاتفورماسى ارقىلى تۇرعىن ءۇي جاعدايىن جاقسارتۋعا جانە ەمدەلۋگە جالپى سوماسى 1,2 تريلليون تەڭگە بولاتىن زەينەتاقى تولەمدەرىن پايدالاندى. ولاردىڭ ۇشتەن ءبىرى - ايەلدەر (64 685), ال ۇشتەن ەكىسى - ەر ادامدار (140 974).
جتق پايدالانۋ بويىنشا ءبىرىنشى ورىندا - ماڭعىستاۋ وبلىسىنىڭ تۇرعىندارى - 33 682 ادام, جالپى سوماسى 312 ميلليارد تەڭگەگە جۋىق. ەكىنشى ورىندا نۇر-سۇلتان قالاسى - 32 216 ادام, ەلوردا تۇرعىندارى شامامەن 197 ميلليارد تەڭگەنى پايدالاندى. الماتى ءۇشىنشى ورىندا - 27 396 ادام. الماتىلىقتار جالپى سوماسى 213 ميلليارد تەڭگەگە جۋىق زەينەتاقى جيناقتارىن پايدالاندى.
«وتباسى بانكتە» يپوتەكالىق تۇرعىن ءۇي قارىزىن الۋ ۇشىن ەجش پايدالانا وتىرىپ, باستاپقى جارنانى قازاقستاندىقتاردىڭ كوپشىلىگى - 9 359 ادام قايتالاما تۇرعىن ءۇيدى (167 ملرد تەڭگەدەن استام) تاڭدادى. قالعان 1 729 ادام باستاپقى تۇرعىن ءۇيدى تاڭدادى (36 ملرد تەڭگەدەن استام). 100-دەن استام ادام زەينەتاقى ارتىعىن قۇرىلىس, جوندەۋ جانە قايتا قارجىلاندىرۋ ءۇشىن پايدالاندى (2 ملرد تەڭگەدەن استام).
