تاجىكستان تاراپىنىڭ باستاماسىمەن مەملەكەت باسشىسى قاسىم-جومارت توقاەۆ تاجىكستان پرەزيدەنتى ەمومالي راحمونمەن تەلەفون ارقىلى سويلەستى.
اڭگىمەلەسۋ بارىسىندا ەكى ەل پرەزيدەنتتەرى اۋعانستانداعى جاعدايدىڭ شيەلەنىسۋىنە بايلانىستى ورتالىق ازيا ايماعىنداعى احۋال جونىندە جان-جاقتى پىكىر الماستى. قازاقستان پرەزيدەنتى تاجىكستانمەن اراداعى دوستىق قاتىناستاردىڭ مىزعىماستىعىن ناقتىلادى.
پرەزيدەنت قاسىم-جومارت توقاەۆ 19-20 مامىردا دۋشانبەگە جاساعان ساپارىنىڭ بارىسىندا قول جەتكىزىلگەن ۋاعدالاستىقتاردى قازاقستاننىڭ ورىندايتىنىن جانە باۋىرلاس تاجىك حالقىنا بەرىلەتىن كومەكتى جالعاستىرا بەرەتىنىن ايتتى.
مەملەكەت باسشىلارى ايماقتاعى احۋال جايىندا ءوزارا اقپارات الماسۋ جانە ءىس-قيمىلداردى ۇيلەستىرۋ ماقساتىندا تۇراقتى بايلانىس جاساپ تۇرۋعا كەلىستى.