«ەكولوگيا دەپارتامەنتىنىڭ قىزمەتكەرلەرى توتەنشە جاعداي ورىن العان جەرگە بارىپ, زاۋىت اۋماعىنان سىنامالار الدى. ونىڭ ناتيجەسى اۋاعا جايىلعان شاڭنىڭ رۇقسات ەتىلگەن شوعىرلانۋ نورماتيۆتەرىنەن اسىپ كەتكەنىن كورسەتتى. جوسپاردان تىس تەكسەرۋ جۇرگىزىلدى. ەسكە سالايىق, 7 ماۋسىم كۇنى كەشكى ساعات 20.00 شاماسىندا پاۆلودارسكايا 48 كوشەسىندە ورنالاسقان «نۇرتاۋ تەمىر», وندىرىستىك بازاسىندا تسەمەنت تاسيتىن كولىكتەن شيكىزاتتى سىعىندى ىدىسقا ايداۋ كەزىندە توتەنشە جاعداي بولعان», دەدى دەپارتامەنتتەن.
تەكسەرۋ ناتيجەلەرى بويىنشا «نۇرتاۋ تەمىر» سەرىكتەستىگى قازاقستان رەسپۋبليكاسىنىڭ «اكىمشىلىك قۇقىق بۇزۋشىلىق تۋرالى» كودەكسىنىڭ 327, 328 بابىنا سايكەس ايىپپۇل تۇرىندە اكىمشىلىك جاۋاپكەرشىلىككە تارتىلدى.
سونداي-اق قازاقستان رەسپۋبليكاسىنىڭ ەكولوگيالىق زاڭناماسىن بۇزۋشىلىقتاردى جويۋ جانە زياننىڭ ورنىن تولتىرۋ (اتموسفەرالىق اۋاعا زياندى زاتتار شىعارعانى ءۇشىن) تۋرالى نۇسقاۋ بەرىلدى.
