قوعام • 29 ماۋسىم، 2021

قاراعاندى ورتالىق ساياباعىندا كومىلگەن ارىستاننىڭ نەدەن ولگەنى ايتىلدى

127 رەت كورسەتىلدى

قاراعاندى وبلىستىق اۋماقتىق ۆەتەريناريالىق باقىلاۋ جانە قاداعالاۋ ينسپەكتسياسى ورتالىق ساياباقتا كومىلگەن ارىستاننىڭ نەدەن ولگەنىن انىقتادى، دەپ حابارلايدى Egemen.kz.

اۋتوپسيا ناتيجەسى مارس اتتى ارىستاننىڭ جۇقپالى اۋرۋدان ولگەنىن كورسەتكەن. سونداي-اق ارىستاننىڭ يەسى بۇعان دەيىن دە ۆەتەرينارلارعا جۇگىنگەن بولىپ شىقتى. جانۋاردىڭ ۆەتەرينارلىق پاسپورتى، قاجەتتى انىقتامالار، سونىڭ ىشىندە پروفيلاكتيكالىق شارالار تۋرالى جازبالارى بار.

15 ماۋسىمدا جانۋار اۋىرىپ، ەم-دوم شارالارىن ۆەتەرينارلىق كلينيكا جۇرگىزگەن. الايدا، 22 ماۋسىمدا ارىستان ولگەن. پاتالوگو-اناتوميالىق تەكسەرۋدەن كەيىن جانۋاردىڭ دەنەسى مال قورىمىنا شىعارىلىپ، بەكقاري شۇڭقىرىنا كومىلگەن.

ارىستان پانليۋكوپەنيا سياقتى جۇقپالى اۋرۋدان ولگەن بولۋى مۇمكىن. بۇل - ىشەكتىڭ، مەزەنتەريانىڭ جانە ءىش قۋىسىنداعى سۇيىقتىقتىڭ كۇيىنە قاتىستى اۋرۋ.

ەسكە سالايىق، 25 ماۋسىمدا قاراعاندىداعى ورتالىق ساياباق اۋماعىنان كومىلگەن جىرتقىش اڭنىڭ ولەكسەسى تابىلدى. اتالعان جايت بويىنشا قر قىلمىستىق كودەكسىنىڭ 316-بابىمەن سوتقا دەيىنگى تەرگەۋ امالدارى باستالدى. 28 ماۋسىمدا قاراعاندىدا ءولى تابىلعان ارىستاننىڭ يەسى انىقتالدى.

 

 

 

سوڭعى جاڭالىقتار

كيىكتەر كىمگە كەدەرگى؟

قازاقستان • كەشە

ەكى اۋىلعا گاز جەتتى

ايماقتار • كەشە

ينفلياتسيا يىلە مە؟

قوعام • كەشە

ءدارى مەن ءسوز ءدارۋى

مەديتسينا • كەشە

«التايداي جەر قايدا؟!»

ايماقتار • كەشە

ۇقساس جاڭالىقتار