قوعام • 28 ماۋسىم، 2021

الماتىدا «قىزىل» مارتەبەلى 8 ادام جاۋاپقا تارتىلدى

103 رەت كورسەتىلدى

الماتى تۇرعىندارى كارانتين شارالارىن بۇزعان جاعدايدا اكىمشىلىك جاۋاپكەرشىلىككە تارتىلادى. بۇل تۋرالى وڭىرلىك كوممۋنيكاتسيالار قىزمەتىنىڭ ءباسپاسوز كونفەرەنتسياسى بارىسىندا الماتى قالاسى سانيتارلىق-ەپيدەميولوگيالىق باقىلاۋ دەپارتامەنتىنىڭ باسشىسى جانداربەك بەكشين مالىمدەدى، دەپ حابارلايدى Egemen.kz.

ج. بەكشيننىڭ ايتۋىنشا، Ashyq جوباسى قوسىلعالى بەرى كاسىپكەرلىك نىساندارعا كىرگەن كەزدە سكانەرلەۋ ناتيجەسىندە «قىزىل» مارتەبەسى بار 670 قالا تۇرعىنى انىقتالدى. ال «سارى» مارتەبەسى بار 178 پايدالانۋشى راستالدى.

 ج. بەكشين قالا تۇرعىندارى اراسىنان «قىزىل» مەن «سارى» مارتەبەسى بار ازاماتتارعا مىسال كەلتىردى. جالپى 156 «قىزىل» مارتەبە مەن 40 «سارى» مارتەبە فيتنەس ورتالىقتارى مەن باسسەيندەردىڭ كىرەبەرىستەرىندە انىقتالدى.

قوعامدىق تاماقتانۋ نىساندارىندا 275 «قىزىل» مارتەبەسى بار، 54 «سارى» مارتەبەسى بار، 88 «قىزىل» مارتەبەسى بار قالا تۇرعىنى اۋەجايعا كىرە بەرىستە انىقتالدى. سونداي-اق 21 «سارى» مارتەبەسى بار، 70 «قىزىل» مارتەبەسى بار ادام كينوتەاترعا كىرە بەرىستە جانە 34 «سارى» مارتەبەسى بار تۇرعىندار راستالدى.

ج. بەكشيننىڭ ايتۋىنشا، Ashyq جۇيەسى ءوزىنىڭ تيىمدىلىگىن كورسەتتى.

«سىزدەر جوبانىڭ ارقاسىندا كارانتيندىك شارالاردى  ساقتامايتىن ادامداردىڭ انىقتالعانىن بىلەسىزدەر. بۇل جۇيە ازاماتتار مەن قالانىڭ قاۋىپسىزدىگىنە باعىتتالعان»، دەدى ج. بەكشين.

مىسالى، «قىزىل» مارتەبەسى بار الماتىنىڭ 8 تۇرعىنىنا كارانتين رەجيمىن بۇزعانى ءۇشىن 30 اەك ايىپپۇل سالىندى. بۇل 90 مىڭ كولەمدەگى تەڭگە. ءتارتىپ بۇزۋشىلار الماتى قالاسىنىڭ الاتاۋ، المالى، بوستاندىق، مەدەۋ مەن تۇركسىب اۋداندارىنىڭ تۇرعىندارى.

سوڭعى جاڭالىقتار

بۇعىبۇلاۋ

قازاقستان • كەشە

جۇزە ءبىلۋ – ءومىر

قوعام • كەشە

ولكەتانۋشى

قازاقستان • كەشە

كەبەنەك

تاريح • كەشە

ساۋكەلە

ونەر • كەشە

ۇقساس جاڭالىقتار