«Nur Sunqar» رەسپۋبليكالىق كونكۋرسىنىڭ جەڭىمپازدارى انىقتالدى

قازاقستان • 24 ماۋسىم، 2021

«Nur Sunqar»-دىڭ جەڭىمپازدارى انىقتالدى

236 رەت كورسەتىلدى

«Nur Otan» پارتياسى توراعاسىنىڭ ءبىرىنشى ورىنباسارى باۋىرجان بايبەك Facebook جەلىسىندەگى پاراقشاسىندا جۋرناليستەر مەن مەديا سالاسىنىڭ وكىلدەرىن الدا كەلە جاتقان بۇقارالىق اقپارات قۇرالدارى قىزمەتكەرلەرى كۇنىمەن قۇتتىقتاپ، «Nur Sunqar» رەسپۋبليكالىق كونكۋرسىنىڭ جەڭىمپازدارىن اتادى، دەپ حابارلايدى Egemen.kz.

اقمارال اعزامقىزى

ونىڭ ايتۋىنشا، تاۋەلسىزدىكتىڭ 30 جىلدىعى تۇسىندا «Nur Sunqar» سىيلىعىنىڭ تاپسىرىلۋى ەرەكشە مانگە يە بولىپ وتىر. ەلىمىزدەگى كوپتەگەن سالالار سەكىلدى ۇلتتىق اقپارات سالاسى دا شىن مانىندە نولدەن باستاپ قۇرىلىپ، كۇردەلى جولدان ءوتتى. بۇگىندە مەديا سالاسىندا قۋاتتى دا باسەكەگە قابىلەتتى بۇقارالىق اقپارات قۇرالدارى پايدا بولدى، جاڭا مەديا سەگمەنتى قارقىندى دامۋدا.

«ەلباسى، پارتيا ليدەرى نۇرسۇلتان نازارباەۆ ايتقانداي، بۇقارالىق اقپارات قۇرالدارى جۇرتشىلىقتىڭ كوكەيىنە سەنىم ۇيالاتىپ، جەدەل دە وبەكتيۆتى اقپاراتتىڭ باستاۋى بولۋى ءتيىس. اسىرەسە، بۇل قازىرگىدەي بۇقارالىق ينفودەميا جانە فەيكجاڭالىقتار كەزەڭىندە ەرەكشە ماڭىزعا يە. وسىناۋ قاتەرلى قۇبىلىسقا قوعام مەن مەديا وكىلدەرى بىرلەسە وتىرىپ قارسى تۇرۋى ءتيىس دەپ ەسەپتەيمىن. بۇل رەتتە وتاندىق بۇقارالىق اقپارات قۇرالدارىنا ودان ءارى جۇيەلى تۇردە قولداۋ كورسەتۋ نەگىزگى مىندەتتەردىڭ ءبىرى بولىپ تابىلادى. ەل پرەزيدەنتى قاسىم-جومارت توقاەۆ ۇلتتىق مەديا سالاسىنىڭ ازاماتتار مەن مەملەكەتتىڭ اراسىنداعى كەرى بايلانىستى قامتاماسىز ەتۋدەگى ماڭىزدى ءرولىن اتاپ كورسەتىپ، ونىڭ دامۋىنا ەرەكشە نازار اۋدارۋدا»، دەدى باۋىرجان بايبەك

پارتيا توراعاسىنىڭ ءبىرىنشى ورىنباسارى اتاپ وتكەندەي، «Nur Sunqar» وسىمەن 12-ءشى رەت وتكىزىلىپ وتىر. وسى ۋاقىت ارالىعىندا بۇل سىيلىق جۋرناليستەر قاۋىمداستىعى اراسىندا مەديا سالاسى قىزمەتكەرلەرىنىڭ ەڭبەگى مەن كاسىپقويلىعى باعالاناتىن بەدەلدى ماراپاتقا اينالدى.

«وكىنىشكە قاراي، پاندەميا ومىرىمىزگە ەلەۋلى وزگەرىستەر ەنگىزىپ وتىر. سونىڭ سالدارىنان وسىمەن ەكىنشى جىل قاۋىپسىزدىك شارالارى ەسكەرىلىپ، «Nur Sunqar» سىيلىعىن تابىستاۋ ونلاين-فورماتتا وتكىزىلىپ جاتىر. بيىل كونكۋرسقا قاتىسۋ ءۇشىن 291 ماتەريال ءتۇستى. كونكۋرستىق كوميسسيا جەڭىمپازداردى 8 نوميناتسيا بويىنشا انىقتادى، ولاردىڭ ەسىمدەرىمەن ۇسىنىلىپ وتىرعان بەينەروليكتەن تانىسۋعا بولادى. ەلىمىزدىڭ بيىلعى مەرەيتويى ەسكەرىلە وتىرىپ، قازاقستاننىڭ جەتىستىكتەرى تۋرالى ۇزدىك ماتەريالعا «تəۋەلسىزدىك تاعىلىمى» اتتى تاعى ءبىر نوميناتسيا تاعايىندالدى. «Nur Sunqar-2021» سىيلىعىنىڭ جەڭىمپازدارىن پارتيا باسشىلىعى اتىنان جانە جەكە ءوز اتىمنان قۇتتىقتايمىن! وسى مۇمكىندىكتى پايدالانىپ، مەديا سالاسىنىڭ وكىلدەرىن كاسىبي مەرەكەلەرى – بۇقارالىق اقپارات قۇرالدارى قىزمەتكەرلەرى كۇنىمەن قۇتتىقتاي وتىرىپ، مىقتى دەنساۋلىق، باق-بەرەكە جانە جاڭا شىعارماشىلىق جەتىستىكتەر تىلەيمىن!»، دەپ تۇيىندەدى ول.

پارتيانىڭ ءباسپاسوز قىزمەتى تاراتقان اقپاراتقا سايكەس، «ەلباسى سالعان سارا جول» اتالىمى بويىنشا «ورتالىق قازاقستان» گازەتىنىڭ ءتىلشىسى ەرسىن مۇسابەكوۆ جەڭىمپاز دەپ تانىلدى. «تاۋەلسىزدىك تاعىلىمى» نوميناتسيسىمەن «انا ءتىلى» گازەتىنىڭ ءتىلشىسى نۇرپەرزەنت دومباي جانە «اzattyq-ruhy.kz» اقپاراتتىق-ساراپتامالىق اگەنتتىگى باس رەداكتورىنىڭ ورىنباسارى ارداق سەيىتقازين ماراپاتتالدى.

«تەلەۆيزيا ۇزدىگى» نوميناتسياسى بويىنشا «Atameken Business» تەلەارناسىنىڭ ءجۋرناليسى مەيرامگۇل ءمادالى ماراپاتتالدى. ال، «پارتيا جارشىسى» اتالىمىنا قازىلار القاسى «حابار» اگەنتتىگىنىڭ ءتىلشىسى يرينا كامىشوۆانىڭ ەڭبەگىن لايىقتى دەپ باعالادى.

«Nur Sunqar» بايقاۋىنىڭ «بلوگوسفەرا ۇزدىگى» مۇسىنشەسى «Newsroom.kz» پورتالىنىڭ باس رەداكتورى ولجاس بەركىنباەۆقا بۇيىردى. «YouTube ۇزدىگى» دەپ نارتاي ارالباي ۇلى تانىلدى.

«ۇشقىر قالام» نوميناتسياسىندا «استانا اقشامى» گازەتىنىڭ ءتىلشىسى قالياقبار ۇسەمحان ۇلى جەڭىسكە جەتسە، «QazNet ۇزدىگى» نوميناتسياسىن «Tengrinews.kz» اقپارات پورتالىنىڭ تىلشىلەرى رەنات تاشكينباەۆ پەن تۇرار قازانعاپوۆ جەڭىپ الدى.

كۇننىڭ ماڭىزدى جانە وزەكتى جاڭالىقتارىن «ەگەمەن قازاقستان» تەلەگرام كانالىنان وقىڭىز