ايماقتار • 22 ماۋسىم، 2021

الماتىدا 12 بالا بەيىمدەۋ ورتالىعىنا ورنالاستىرىلدى

145 رەت كورسەتىلدى

الماتىدا 12 قاڭعىباس بالا ارنايى بەيىمدەۋ ورتالىعىنا ورنالاستىرىلدى، دەپ حابارلايدى Egemen.kz Polisia.kz-كە سىلتەمە جاساپ.

مۇنداي مالىمەتتەردى الماتىداعى ءتارتىپ ساقشىلارى «تۇنگى قالاداعى بالالار» ءىس-شاراسىنىڭ ناتيجەلەرى بويىنشا بەردى.

– ونىڭ ماقساتى – كامەلەتكە تولماعاندار اراسىنداعى قۇقىق بۇزۋشىلىقتىڭ، قاراۋسىزدىقتىڭ الدىن-الۋ جانە بولدىرماۋ، تۇنگى ۋاقىتتا كامەلەتكە تولماعانداردىڭ ويىن-ساۋىق مەكەمەلەرىندە جانە ۇيدەن تىس جەرلەردە زاڭدى وكىلدەرىنسىز ءجۇرۋ فاكتىلەرىن انىقتاۋ، سونداي-اق كامەلەتكە تولماعانداردى قوعامعا قارسى ارەكەتتەرگە تارتاتىن ەرەسەكتەر، بالالاردىڭ تاربيەسىنە نەمقۇرايلى قارايتىن اتا-انالار، سونىمەن قاتار بالالار ەڭبەگىن پايدالانۋ فاكتىلەرى، كامەلەتكە تولماعاندارعا الكوگول مەن تەمەكى ونىمدەرىن ساتۋ فاكتىلەرىن انىقتاۋ، – دەدى الماتى قالالىق پد جپقب يۋۆەنالدى پوليتسيا ءبولىمىنىڭ باستىعى جاننا شونجانوۆا.

ءىس-شارانىڭ ءتورت كۇنىندە 295 ءجاسوسپىرىم ىشكى ىستەر ورگاندارىنا ءتۇرلى قۇقىق بۇزۋشىلىقتار ءۇشىن جەتكىزىلدى، سونىڭ ىشىندە اكىمشىلىك قۇقىق بۇزۋشىلىقتار ءۇشىن – 281، قاراۋسىز قالعانى جانە پاناسىزدىعى ءۇشىن – 14، ونىڭ ىشىندە قاراۋسىز قالعان 12 بالا قيىن ومىرلىك جاعدايداعى بالالاردى قولداۋ ورتالىعىنا ورنالاستىرىلدى. جەتى ءجاسوسپىرىم جانە توعىز قولايسىز وتباسى انىقتالدى جانە ەسەپكە الىندى.  

– سونىمەن قاتار 272 اتا-انا كامەلەتكە تولماعانداردىڭ ويىن-ساۋىق مەكەمەلەرىندە جانە ۇيدەن تىس جەرلەردە زاڭدى وكىلدەرىنسىز جۇرگەنى ءۇشىن اكىمشىلىك جاۋاپكەرشىلىككە تارتىلدى. تۇندە زاڭدى وكىلدەرىنسىز ويىن-ساۋىق مەكەمەلەرىنە كىرگىزگەنى ءۇشىن ويىن-ساۋىق مەكەمەلەرىنىڭ ءۇش لاۋازىمدى ادامى اكىمشىلىك جاۋاپكەرشىلىككە تارتىلدى. سونداي-اق الكوگول ونىمدەرىن ساتۋدىڭ سەگىز فاكتىسى، ءۇش تەمەكى ونىمدەرى جانە كامەلەتكە تولماعاندار تۇندە داياشى بولىپ جۇمىس ىستەگەن ەكى ويىن-ساۋىق مەكەمەسى انىقتالدى. اتا-انالار ءۇشىن باقىلاۋدىڭ جەتكىلىكسىزدىگى جاسوسپىرىمدەردىڭ قۇقىق بۇزۋشىلىققا بارۋىنا نەمەسە ولارعا قارسى زاڭسىز ءىس-ارەكەتتەر جاساۋىنا اكەلۋى مۇمكىن ەكەنىن ءبىلۋى جانە ءتۇسىنۋى ماڭىزدى، سونداي-اق ولاردىڭ تاربيەسى ءۇشىن جاۋاپكەرشىلىكتى ۇمىتپاۋ كەرەك، – دەدى جاننا شونجانوۆا.

سوڭعى جاڭالىقتار

پلەي-وففتان تىس قالدى

فۋتبول • بۇگىن، 08:43

ءۇشىنشى ورىنعا كوتەرىلدى

سپورت • بۇگىن، 08:40

ۇزدىك تورتتىكتىڭ قاتارىندا

تەننيس • بۇگىن، 08:39

مىڭعا جۋىق بالانى كەنە شاقتى

ايماقتار • بۇگىن، 08:34

اۋرۋحانانىڭ جاڭا كورپۋسى اشىلادى

مەديتسينا • بۇگىن، 08:30

قاڭعىباس مىسىقتان قاۋىپ كوپ

قوعام • بۇگىن، 08:25

تسيفرلاندىرۋ جۇمىسىمەن تانىستى

ايماقتار • بۇگىن، 08:15

ۇلىلار ۇندەستىگى

قازاقستان • كەشە

باعا باقىلانادى

قارجى • كەشە

مەيىرىم شۇعىلاسى

رۋحانيات • كەشە

تسيفرلى دامۋ: جاڭا بەتبۇرىس

تەحنولوگيا • كەشە

ماحاببات اۋەنى

ونەر • كەشە

ۇقساس جاڭالىقتار