كورشى مەملەكەتتەن كەلگەن ميگرانتتار قالانىڭ الاتاۋ اۋدانىنداعى قۇرىلىس الاڭىندا انىقتالدى. شەتەلدىكتىڭ جانىندا جەكە باسىن كۋالاندىراتىن قۇجاتتارى بولماعان, وسىعان بايلانىستى, ولار پد-ءنىڭ قابىلداپ-تاراتۋ بولىمىنە ورنالاستىرىلعان.
– ۇستالعانداردىڭ ارقايسىسىنىڭ جەكە باسىن انىقتاعاننان كەيىن, ولاردى قالامىزدىڭ اۋماعىندا كەز كەلگەن قۇقىق بۇزۋشىلىقتار مەن قىلمىستارعا قاتىستىلىعىن تەكسەرەمىز. سودان كەيىن ولار اكىمشىلىك جاۋاپكەرشىلىككە تارتىلىپ, قازاقستاننان شىعارىلادى. ايتپاقشى, وتكەن كۇنى وزبەكستان رەسپۋبليكاسىنىڭ الماتى قالاسىنداعى كونسۋلدىعىمەن بىرگە سوتتىڭ شەشىمىمەن بۇرىن قازاقستاننان شىعارىلعان وزبەكستاننىڭ 16 ازاماتىنىڭ وتانىنا ورالۋى ۇيىمداستىرىلدى, – دەدى الماتى قالالىق پد كوشى-قون قىزمەتى باسقارماسىنىڭ باستىعى اسحات بۋتۋنچينوۆ.
