قالالىق پاترۋلدىك پوليتسيا پولكىنىڭ ينسپەكتورى باقتيار تولەۋتاي جول-كولىك وقيعاسىنىڭ ءمان-جايىن ايتتى.
ەسكە سالايىق, قايعىلى وقيعا 14 ماۋسىم كۇنى تاڭەرتەڭ الاتاۋ اۋدانىندا بولعان.
«ساعات 6:45 شاماسىندا وتەمىس ۇلى كوشەسىمەن وڭتۇستىك باعىتقا قاراي كەتىپ بارا جاتقانىمدا, الدىمداعى اۆتوكولىك سولعا قاراي بۇرىلماق بولىپ, مەن ول اۆتوكولىكتەن قاشىپ, جول-كولىك وقيعاسىن بولدىرماۋ ءۇشىن كولىك جۋ جاققا بۇرىلدىم. سول كەزدە الدىمدا تۇرعان ايەل ادامدى بايقاۋسىزدا قاعىپ كەتتىم», دەدى ول.
پوليتسەي كىناسىن تولىق مويىندادى, ول مارقۇمنىڭ وتباسىنا قايعىرىپ كوڭىل ايتتى.
بۇعان دەيىن بۇل دەرەك قىلمىستىق كودەكستىڭ 345-بابى بويىنشا تىركەلگەنى حابارلانعان ەدى. ءىس الماتى پد انىقتاۋ باسقارماسىنىڭ وندىرىسىندە. جۇرگىزۋشىمەن تەرگەۋ شارالارى جۇرگىزىلىپ جاتىر.
