ايماقتار • 08 ماۋسىم، 2021

سقو-دا ورتەنگەن ءۇيدىڭ ىشىنەن ەر ادامنىڭ دەنەسى تابىلدى

67 رەت كورسەتىلدى

سولتۇستىك قازاقستان وبلىسىنىڭ توتەنشە جاعدايلار دەپارتامەنتى ءباسپاسوز قىزمەتىنىڭ مالىمەتىنشە، وقىس وقيعا 7 ماۋسىم كۇنى م.جۇماباەۆ اۋدانى بۋلاەۆ قالاسىندا بولعان، دەپ حابارلايدى Egemen.kz

ساعات 17:00 شاماسىندا 101 قىزمەتىنە چكالوۆ كوشەسىندەگى 38 ۇيدە ءورت شىققاندىعى تۋرالى حابارلاما تۇسكەن. ءورت جاتىن بولمەدەن شىعىپ، باسپانانىڭ قابىرعالارىنا، جيھازعا زاقىم كەلدى.

ءۇيىندىنىڭ استىنان سول ءۇيدىڭ يەسى – 1972 جىلى تۋعان ەر ادامنىڭ دەنەسى تابىلدى. ەر ادام ىشىمدىككە جاقىن بولعان. الدىن الا بولجام بويىنشا، كەرۋەتتە جاتىپ، شىلىم شەگۋى مۇمكىن.

«بۇل ۇيدە 26 مامىر كۇنى دە ءورت شىقتى. سالدارىنان باسپانانىڭ جانە قورا-قوپسىنىڭ شاتىرى جانىپ كەتتى. ءورت سول جولى ەلەكتر سىمدارىنىڭ قىسقا تۇيىقتالۋىنان شىققان ەدى»، دەيدى وبلىستىق تجد باسقارماسىنىڭ باسشىسى دميتري راستيحين.

سوڭعى جاڭالىقتار

ۇقساس جاڭالىقتار