سىرقاتتاردىڭ كوبى قوستاناي قالاسىندا تىركەلىپ وتىر. ال رۋدنىي, ارقالىق, ليساكوۆ قالالارى مەن ب.مايلين, قوستاناي, اۋليەكول, قاراسۋ اۋداندارىندا ءبىر-ەكى ادامنان عانا ۆيرۋس انىقتالدى.
اپتا سوڭىندا وبلىستىق دەنساۋلىق ساقتاۋ باسقارماسىنىڭ وكىلدەرى ءوڭىر تۇرعىندارىنىڭ ەكپەگە بەلسەندى قاتىسا باستاعانىن اتاپ ءوتتى. يممۋنداۋ كەزەڭى باستالعالى وبلىستا 130 مىڭعا جۋىق ادام ۆاكتسينا قابىلداسا, ونىڭ جارتىسىنان استامى ەكپەنىڭ ءبىرىنشى, ال
41 348 ادام ەكىنشى كومپونەنتىن قابىلداعان.
بۇگىنگە دەيىن ۆاكتسينا قابىلداعانداردىڭ الدىڭعى لەگىندە مەديتسينا سالاسىنىڭ قىزمەتكەرلەرى مەن پوليتسەيلەر تۇر. مۇعالىمدەر مەن ۇلتتىق حالىق ساناعىن وتكىزۋگە اتسالىساتىن ينتەرۆيۋەرلەر سودان كەيىنگى ورىندا كەلەدى. وبلىستا ەكپە قابىلداعاننان كەيىن بولعان كەلەڭسىز وقيعالار تىركەلگەن جوق.
وبلىستىق دەنساۋلىق ساقتاۋ باسقارماسىنىڭ وكىلدەرى بۇگىنگە دەيىن ايماققا 190 مىڭعا جۋىق ۆاكتسينا دوزاسى اكەلىنگەنىن مالىمدەدى. ءوڭىر تۇرعىندارى نەگىزىنەن وتاندىق QazCovid-in, رەسەيدىڭ «گام-كوۆيد-ۆاك» جانە ارابتىڭ «حاياك-ۆاك» ۆاكتسيناسىن ەكتىرىپ جاتىر.
قوستاناي وبلىسى
