جاڭا شەكتەۋلەر ازىرلەنىپ, يندۋستريا جانە ينفراقۇرىلىمدىق دامۋ ءمينيسترى بەيبىت اتامقۇلوۆتىڭ 2021 جىلعى 21 قاڭتارداعى №24 بۇيرىعىنا ەنگىزىلدى.
اتاپ ايتقاندا, بىرجولعى زەينەتاقى تولەمدەرىن الۋشىنىڭ جۇبايىنان, جاقىن تۋىستارىنان جىلجىمايتىن م ۇلىك ساتىپ الۋعا پايدالانۋعا جول بەرىلمەيدى. وسى تارماقتىڭ ورىندالۋىن باقىلاۋ ماقساتىندا الۋشى جەكە كابينەتتە بىرجولعى زەينەتاقى تولەمىنە ەلەكتروندىق ءوتىنىش بەرگەن كەزدە اتالعان تۇلعالاردان جىلجىمايتىن م ۇلىكتى ساتىپ الماۋ تۋرالى مىندەتتەمەگە قول قويادى.
بۇل رەتتە جاقىن تۋىستارعا اتا-انالار, بالالارى, اسىراپ الۋشىلار, اسىراپ الىنعاندار, اتا-اناسى ءبىر جانە اتا-اناسى بولەك اعا-ىنىلەرى مەن اپا-سىڭلىلەرى, اتاسى, اجەسى, نەمەرەلەرى جاتاتىنى ناقتىلانادى.
يدم-دە تۇزەتۋ اقشانى قولما-قول اقشاعا اينالدىرۋ ءۇشىن زەينەتاقى جيناقتارىن پايدالانا وتىرىپ, تۇرعىن ءۇيدى ساتىپ الۋ-ساتۋ جونىندەگى جالعان وپەراتسيالارعا قايىن ەنەسىن, اتاسىن جانە باسقا دا تۋىس ادامداردى تارتۋ مۇمكىندىگىن بولدىرمايدى دەپ ەسەپتەيدى.
سونىمەن قاتار وتباسى بانكىنىڭ دەرەكتەرى بويىنشا 2021 جىلعى 26 مامىرداعى جاعداي بويىنشا 159,6 مىڭنان استام قازاقستاندىق زەينەتاقى جيناقتارىنىڭ ءبىر بولىگىن مەرزىمىنەن بۇرىن الۋ مۇمكىندىگىن پايدالانعان. ولار العان قاراجاتتىڭ جالپى سوماسى 1 ترلن تەڭگەنى قۇرادى. ونىڭ كوپ بولىگى جىلجىمايتىن م ۇلىك ساتىپ الۋعا باعىتتالعان.
