«بۇگىنگى كۇنى ۆاكتسينانىڭ ءبىرىنشى كومپونەنتى 2,1 ميليوننان استام ادامعا, ەكىنشى كومپونەنت 1 ميليوننان استام ادامعا ەگىلدى. ماۋسىم ايىندا ۆاكتسينا قورىن 2 ملن ءبىرىنشى جانە 2 ملن ەكىنشى كومپونەنتپەن تولىقتىرۋ بويىنشا شارالار قابىلدانىپ جاتىر», دەدى اسقار مامين.
سونداي-اق ۇكىمەت باسشىسى ۆاكتسينالاۋ پاسپورتىن Ashyq قوسىمشاسىنا ەنگىزۋدى تاپسىردى.
«دەنساۋلىق ساقتاۋ مينيسترلىگى تسيفرلاندىرۋ مينيسترلىگىمەن بىرلەسىپ, Ashyq ءموبيلدى قوسىمشاسىنىڭ ءتيىمدى جۇمىس ىستەۋى, قوسىمشانى قىزمەت كورسەتۋ سالالارىندا كەڭىنەن قولدانۋ بويىنشا شارالار قابىلداۋى قاجەت. ۆاكتسينالاۋ پاسپورتىن Ashyq قوسىمشاسىنا دا ەنگىزۋ كەرەك», دەگەن ۇكىمەت باسشىسى اتالعان جۇمىستاردى باقىلاۋدى ەرالى توعجانوۆقا جۇكتەدى.
