قايعىلى وقيعا فەدوروۆ اۋدانىنىڭ كوسترياكوۆ اۋىلىندا بولعان. مۇنى وبلىستىق پوليتسيا دەپارتامەنتى دە راستاپ وتىر.
«24 مامىردا «102» پۋلتىنە فەدوروۆ اۋدانىنىڭ ۋچاسكەلىك ينسپەكتورىنان جەكە ءۇيدىڭ اۋلاسىنداعى ەسكى قۇدىققا 1 جاس 7 ايلىق ءسابيدىڭ قۇلاپ كەتكەنى تۋرالى حابار كەلىپ ءتۇستى. بالاقايدى اكەسى تاۋىپ العان. قۇتقارىپ قالۋعا ۇلگەرمەدىك. قايعىلى وقيعا بولار ساتتە ءسابيدىڭ اكەسى دە, اناسى دا ۇيدە بولعان. ولار بۇرىن-سوڭدى اكىمشىلىك نەمەسە قىلمىستىق جاۋاپكەرشىلىككە تارتىلماعان. ۇلكەندەر ءۇي شارۋاسىمەن اينالىسىپ جاتقاندا, ءوز بەتىنشە ويناپ جۇرگەن ءسابي قۇدىققا قۇلاپ كەتكەن», دەپ مالىمدەدى وبلىستىق پد-نىڭ ءباسپاسوز قىزمەتى.
