- بۇگىندە بۇكىل الەم كوروناۆيرۋستىق ينفەكتسيا پاندەمياسىمەن كۇرەسۋدە, بارلىق مەديتسينالىق ماماندىقتار, سونىڭ ىشىندە ەپيدەميولوگتەر ءۇشىن جۇمىس كولەمى ارتتى. الەمدەگى جاعداي وتە اۋىر: دۇنيەجۇزىلىك دەنساۋلىق ساقتاۋ ۇيىمى بارلىق ىندەتكە پاندەميا دارەجەسىن بەرمەيدى. ايتىڭىزشى, كوروناۆيرۋس تۋدىرعان اۋرۋدىڭ نەگىزگى بەلگىلەرى جانە اۋرۋدىڭ اۋىر اعىمىنىڭ قاۋىپ فاكتورلارى قانداي؟
- كوروناۆيرۋستىق ينفەكتسيانىڭ بەلگىلەرى سۋىق تيۋ نەمەسە تۇماۋ بەلگىلەرىنە ۇقسايدى: بۇل مۇرىننىڭ اعۋى, دەنە قىزۋىنىڭ كوتەرىلۋى, جوتەل, ەنتىگۋ, كونيۋنكتيۆيت, باس اۋرۋى, السىزدىك, جۇرەك اينۋ, ءناجىستىڭ سۇيىلۋى, ءيىس سەزۋدىڭ بۇزىلۋى نەمەسە جوعالۋى, ءدام سەزۋ جوعالۋى مۇمكىن.
اۋرۋدىڭ اۋىر اعىمىنىڭ قاۋىپ فاكتورلارى – ەگدە جاستاعى ادامدار, سونداي-اق قانت ديابەتى, جۇرەكتىڭ يشەميالىق اۋرۋى, ارتەريالىق گيپەرتەنزيا, وكپەنىڭ سوزىلمالى وبسترۋكتيۆتى اۋرۋى, يممۋن تاپشىلىعى جاعدايلارى سياقتى قاتار جۇرەتىن اۋرۋلاردىڭ بولۋى.
- كوروناۆيرۋستىق ينفەكتسيانىڭ الدىن-الۋدىڭ قانداي شارالارى بار؟
- كوروناۆيرۋستىق ينفەكتسيا اۋا تامشىلارىمەن تارالاتىن ينفەكتسيالارعا جاتادى, بۇل ونىڭ الەمدە تەز جانە باقىلاۋسىز تارالۋىن انىقتايدى. بۇل ينفەكتسيانىڭ پاندەمياسى الەمنىڭ بارلىق ەلدەرىندە قاتاڭ كارانتيندىك شارالار قولدانعانۋىنان بايقالادى, بۇل ءوز كەزەگىندە ەلدەردىڭ ەكونوميكالىق جاعدايىنا دا, ولاردىڭ ازاماتتارىنا دا اسەرىن تيگىزدى.
ءوزىڭىزدى قورعاۋ ءۇشىن جاسالاتىن ەڭ ماڭىزدى شارا – جەكە گيگيەنا ەرەجەلەرىن ساقتاۋ جانە قوعامدىق ورىندارعا بارۋدى ازايتۋ.
ينفەكتسيانىڭ الدىن الۋدىڭ ارنايى ەمەس شارالارىنا مىنالار: بەتپەردە تاعۋ, كەمىندە 1,5 مەتر قاشىقتىقتى ساقتاۋ, رەسپيراتورلىق ەتيكەتتى ساقتاۋ, قولدى سابىن مەن سۋدىڭ كومەگىمەن وڭدەۋ, كەمىندە 60% ءسپيرتى بار انتيسەپتيكالىق زاتتارمەن وڭدەۋ, قول الىسىپ امانداسپاۋ جانە ت. ب. جاتادى.
سالاۋاتتى ءومىر سالتى اعزانىڭ ينفەكتسياعا توزىمدىلىگىن ارتتىرادى. دۇرىس رەجيمدى, ونىڭ ىشىندە تولىققاندى ۇيقىنى, اقۋىزعا, دارۋمەندەرگە جانە مينەرالدارعا باي تاعامداردى تۇتىنۋدى, فيزيكالىق بەلسەندىلىكتى ساقتاڭىز.
اتالعان شارالاردىڭ تيىمدىلىگى بار, بىراق ولار بۇل ينفەكتسيا سىزگە اسەر ەتپەيتىنىنە 100% كەپىلدىك بەرمەيدى.
- كوروناۆيرۋستىق ينفەكتسياعا قارسى ۆاكتسيناتسيا تۋرالى ايتىڭىزشى.
- كوروناۆيرۋستىڭ الدىن الۋدىڭ ءتيىمدى شاراسى ۆاكتسيناتسيا بولىپ تابىلادى. ۆاكتسيناتسيالاۋعا پروفيلاكتيكالىق ەگۋگە قارسى كورسەتىلىمدەرى جوق ادامدار جىبەرىلەدى. ۆاكتسيناتسيا جۇرگىزەر الدىندا دەنە تەمپەراتۋرانى ولشەۋ, ەپيدەميولوگيالىق انامنەزدى جيناۋ, ساتۋراتسيانى, جۇرەك سوعۋ جيىلىگىن, ارتەريالىق قىسىمدى ولشەۋ, تىنىس الۋ جانە جۇرەك-قانتامىر جۇيەسىن اۋسكۋلتاتسيالاۋمەن جانە جۇتقىنشاقتى تەكسەرۋ ءتارىزدى دارىگەردىڭ مىندەتتى قاراپ-تەكسەرۋى جۇرگىزىلەدى. ەگەر تەمپەراتۋرا 37°C-تان اسسا, ۆاكتسيناتسيا كەيىنگە قالدىرىلادى. دارىگەر پاتسيەنتتى ۆاكتسيناتسيادان كەيىنگى ىقتيمال اسقىنۋلار تۋرالى ەسكەرتەدى جانە پاتسيەنتكە اقپاراتتىق ماتەريالدارى بار جادىناما بەرەدى. قاراپ-تەكسەرۋ كەزىندە ەگىلەتىن ادامدارمەن يممۋنداۋدان كەيىن قولايسىز كورىنىستەر تۋىنداعان جاعدايدا مەديتسينالىق كومەككە جۇگىنۋ قاجەتتىگى تۋرالى ءتۇسىندىرۋ جۇمىستارى جۇرگىزىلەدى.
كۆي-ءدىڭ ءجىتى جانە سيمپتومسىز ءتۇرى بار ادامدار كۆي-عا قارسى ۆاكتسيناتسيالاۋعا جاتپايدى. كۆي قوسا العاندا, جۇقپالى اۋرۋمەن اۋىراتىن ناۋقاسپەن بايلانىستا بولعان ادامدار كارانتين مەرزىمى اياقتالعاننان كەيىن ەگىلەدى. ۆاكتسيناتسيالاۋ الدىندا كۆي-عا قارسى انتيدەنەلەردىڭ بولۋىنا سكرينينگ (يفت جانە پتر-زەرتتەۋ) جۇرگىزىلمەيدى. كۆي كەز كەلگەن تۇرىمەن اۋىرىپ ساۋىققاندارعا ساۋىققاننان كەيىن 6 ايدان سوڭ جانە ۆاكتسيناتسيالاۋ الدىنداعى جاي-كۇيىن باعالاۋدى ەسكەرە وتىرىپ ەگىلۋ ۇسىنىلادى. ۆاكتسيناتسياعا بىرقاتار باسقا قارسى كورسەتكىشتەر بار.
حالىقتى ۆاكتسيناتسيالاۋ اۋماقتىق مەديتسينالىق ۇيىمداردىڭ ەگۋ پۋنكتتەرىندە, ارنايى كونتينگەنتتى ۆاكتسيناتسيالاۋ - ءتيىستى ۆەدومستۆونىڭ قىزمەت ورنى بويىنشا جۇرگىزىلەدى.
- جاۋاپتارىڭىز ءۇشىن العىس بىلدىرەمىز.
