«Air Astana 31 مامىردا اشىلۋى جوسپارلانعان الماتى - مينسك باعىتى بويىنشا اۋە قاتىناسىن توقتاتتى. رەيستەردى توقتاتۋ تۋرالى شەشىم 20 مامىردا قابىلداندى, بۇل كوممەرتسيالىق جۇكتەمەنىڭ تومەندىگىنە بايلانىستى. جولاۋشىلارعا رەيستەردىڭ توقتاتىلعانى تۋرالى حابارلاما سول كۇنى جىبەرىلدى», دەدى اۆياكومپانيانىڭ ءباسپاسوز قىزمەتى وكىلدەرى.
مينسكىگە ۇشاتىن قازاقستاندىق اۋە رەيستەرىنىڭ توقتاپ قالعانى كەشە, 24 مامىردا بەلگىلى بولعان.
ەسكە سالايىق, 23 مامىردا كۇندىز Ryanair اۋە كومپانياسىنىڭ افينادان ۆيلنيۋسكە ۇشىپ بارا جاتقان ۇشاعى مينسكىدە شۇعىل قونعان.
«ۇشاق بومبا قويىلدى دەگەن حاباردان كەيىن قوندىرىلدى», دەلىنگەن اۋەجاي حابارلاماسىندا. كەيىن بومبا قويىلدى دەگەن اقپارات راستالمادى.
ۇشاق بورتىندا جۋرناليست, Nexta تەلەگرام-ارناسىنىڭ بۇرىنعى باس رەداكتورى رومان پروتاسەۆيچ بولعان. ارتىنشا باتىس ەلدەرى دە بولعان جايتقا پىكىر ءبىلدىرىپ, پروتاسەۆيچتى دەرەۋ بوساتۋدى تالاپ ەتتى.
