بيىلعى سۋعا ءتۇسۋ ماۋسىمىندا سەمەيلىكتەر جاڭا جاعاجايعا بارىپ شومىلا الاتىن بولادى. بۇل تۋرالى ءباسپاسوز ءماسليحاتى بارىسىندا شاھار باسشىسى نۇرىمبەت ساقتاعانوۆ مالىمدەدى. بۇگىنگى تاڭدا جوبالىق-سمەتالىق قۇجاتتاما ازىرلەنىپ, جاعاجايدىڭ ورنى انىقتالعان.
«جاعاجاي سول جاعالاۋداعى مەلكومبينات اۋدانىندا بولادى. قازىر قۇجاتتاما ءتيىستى ورگانداردا كەلىسۋدەن ءوتىپ جاتىر», دەدى قالا اكىمى.
جاعاجايدان باسقا تۇرعىندار 2019 جىلى قايتا قۇرۋ ءۇشىن جابىلعان ورتالىق ساياباقتا دەمالا الادى. اتالمىش ساياباقتىڭ اشىلۋى حالىقارالىق بالالاردى قورعاۋ كۇنىندە, ياعني 1 ماۋسىمدا جوسپارلانىپ وتىر.
