وقيعا تۋرالى اقپارات الەۋمەتتىك جەلىدە پايدا بولدى. ۆيدەودان جەرگىلىكتى تۇرعىنداردىڭ اشىق قالعان قۇدىق پەن جولدارعا شاعىمدانعانىن ەستۋگە بولادى.
«بەساعاش كەنتىندە بالا اشىق تۇرعان قۇدىققا قۇلاپ كەتتى. قۋانىشقا قاراي زارداپ شەكپەگەن. سونداي-اق اۋىلدا جاقىندا قۇبىرلار توسەلگەندىكتەن جولدار جوندەلمەگەن. كولىكتەر ءجيى بۇزىلىپ قالادى», دەلىنگەن جازبا سيپاتتاماسىندا.
الماتى وبلىسى اكىمدىگىنىڭ ءباسپاسوز قىزمەتى اشىق قالعان قۇدىق بەساعاش اۋىلى ايمانوۆ كوشەسىندە ەكەنىن ايتتى.
«مەردىگەر ۇيىم جاڭا سۋ قۇبىرلارىن توسەۋ جۇمىستارى كەزىندە قۇدىق ورناتقان. مەردىگەر ۇيىممەن سۋ قۇبىرى جەلىلەرىن تارتۋ بويىنشا جۇمىستار اياقتالعان جوق. نىسان ءالى پايدالانۋعا بەرىلمەگەن. ەرتەڭ قۇدىقتاردى جابۋ جۇمىستارى جوسپارلانعان», دەدى اكىمدىك وكىلى.
