COVID-19 پاندەمياسىمەن جانە ونىڭ زارداپتارىمەن كۇرەس قوسىمشا قارجىلاندىرىلاتىن بولادى.
اتاپ ايتقاندا, دارىلىك زاتتاردىڭ, مەديتسينالىق ماقساتتاعى بۇيىمداردىڭ قاجەتتى رەزەرۆى قامتاماسىز ەتىلۋءى, سونداي-اق ەمدەۋمەكەمەلەرءىنءىڭ مەديتسينالىق جابدىقتارمەن جاراقتاندىرىلۋ دەڭگەيى ارتا ءتۇسۋى ءتيىس.
ينفراقۇرىلىمدىق جوبالارعا, ونىڭ ىشىندە 3 500-دەن استام اۋىلدى جاڭعىرتۋعا, جولداردى سالۋ مەن جوندەۋگە, قازاقستاندىقتاردى تازا اۋىز سۋمەن قامتاماسىز ەتۋگە, ازاماتتاردىڭ تۇرعىن ءۇي جاعدايلارىن جاقسارتۋعا قوسىمشا قارجى جىبەرىلەتىن بولادى.
«اۋىل – ەل بەسىگى» جوباسىن ىسكە اسىرۋ ءۇشىن بولىنگەن قاراجات كوبەيتىلىپ, 106 ميلليارد تەڭگەگە جەتتى. وسى قارجىنىڭ ەسەبىنەن مىڭداعان جۇمىس ورنىن اشۋ كوزدەلىپ وتىر, ءبىر مىڭنان استام الەۋمەتتىك جانە ينجەنەرلىك ينفراقۇرىلىم نىساندارىن سالۋ جانە جوندەۋ جۇمىستارى جۇرگىزىلەدى. جۇمىسپەن قامتۋدىڭ جول كارتاسىن قوسىمشا قارجىلاندىرۋ ارقىلى 127 ينفراقۇرىلىمدىق جوبا ىسكە اسىرىلادى. سونداي-اق, 5 مىڭنان استام بيزنەس-جوباعا نەسيە بەرىلىپ, سونىڭ ناتيجەسىندە 15 مىڭعا جۋىق جۇمىس ورنى اشىلادى. ناقتىلانعان بيۋدجەت ەلىمىزدىڭ ەكونوميكالىق دامۋىنا جانە حالىقتىڭ الەۋمەتتىك جاعدايىن جاقسارتۋعا وڭ اسەرىن تيگىزەدى دەپ سەنەمىز», دەدى ماۋلەن اشىمباەۆ.
