ايماقتار • 18 مامىر، 2021

اسارلاتىپ التىنشى ءۇي سالدى

86 رەت كورسەتىلدى

قىزىلوردا وبلىسىنىڭ جاڭاقورعان اۋدانىندا «جاڭارعان جاڭاقورعان جاستارى» اتتى قوعامدىق قور بار. وسى ۇيىم جاستارى جىل سايىن بىرلەسىپ باسپانا سالىپ، ونىڭ كىلتىن مۇقتاجدارعا تابىستاۋدى داستۇرگە اينالدىرعان.

 

بيىل قاسيەتتى رامازان ايىندا بەلسەندى جاستار اسار ادىسىمەن التىنشى باسپانا قۇرىلىسىنا كىرىسىپ، ونى ءبىر اي ىشىندە تولىق اياقتادى. جاستار ۇيعارىمىمەن بۇل ءۇي مۇمكىندىگى شەكتەۋلى ۇلى مەن قىزىن جالعىز تاربيەلەپ وتىرعان اسەل بۇقارباەۆاعا بۇيىردى. ونىڭ كىلتىن تابىستاۋعا اۋدان اكىمى رۋسلان رۇستەموۆ قا­تى­سىپ، ىزگىلىكتى ءىس جاساعان ەرىك­تىلەرگە ەل العىسىن جەتكىزدى.

– جاستاردىڭ قوعامعا دەگەن قام­قورلىعى اركىمدى دە قۋانتادى. ەلدىڭ الەۋمەتتىك جاعدايىنا جانا­شىر­لىق تانىتىپ، قينال­عان­­­عا قام­قور بولعان كەيىنگى بۋىن­­نىڭ بۇل ءىسى كوپكە ۇلگى بولا­رى انىق. راقىمى مول رامازان ايىندا جاساعان قا­يى­رىمدى ىس­تەرىڭىز­گە بۇكىل اۋدان حال­قى­نىڭ اتى­نان العىس بىلدىرەمىن، – دەدى اۋدان باسشىسى.

حالىقارالىق وتباسى كۇنىن­دە ۇيىمداستىرىلعان ءىس-شارادا جاستار جاقسى ىسكە اۋدان كاسىپ­كەر­لەرى، ەل ازاماتتارى دا كوپ ۇلەس قوسىپ كەلە جاتقانىن ايتىپ ءوتتى.

–باسپانا سالىنىپ بول­عان­نان كەيىن قور كوميسسياسى 4-5 شاڭىراقتىڭ جاعدايىمەن مۇقيات تانىسىپ شىقتى. جان-جاقتى سارالاي كەلە وسى وتباسى­نا توقتادىق، – دەيدى قور مۇشەسى ءابدىسامات ءابىش. – ون جىلدان بەرى پاتەر جالداپ كەلە جاتقان اسەل بۇقارباەۆانى، ونىڭ مۇم­كىن­دىگى شەكتەۋلى ەكى بالاسىن وسى­­لايشا قۋانتقىمىز كەلدى. بۇل كىسىنىڭ كومەك بەرە قوياتىن اعا­يىندارى دا جوق ەكەندىگىن ەسكەردىك.

«جاڭارعان جاستارى» قوعام­دىق قورى ءارى قاراي دا قايى­رىم­دىلىق ىستەردى جالعاس­تى­رۋدى كوزدەپ وتىر.

 

قىزىلوردا وبلىسى

 

سوڭعى جاڭالىقتار

حەم اعاي

ادەبيەت • كەشە

نەسيە كورسەتكىشى ارتتى

ەكونوميكا • كەشە

ۇقساس جاڭالىقتار