ايماقتار • 18 مامىر، 2021

1500 وتباسى باسپانالى بولادى

155 رەت كورسەتىلدى

سىر وڭىرىندە ىلگەرى باسقان سالالاردىڭ ءبىرى – تۇرعىن ءۇي قۇرىلىسى. جىل سايىن وبلىس ورتالىعىمەن قاتار اۋدانداردا دا ۇزاق جىل پاتەر كەزەگىن كۇتكەندەر باس­­پانالى بولىپ جاتىر. بيىل ايماقتا بارلىق قارجىلاندىرۋ كوزدەرى ەسەبىنەن 644،7 مىڭ شارشى مەتر تۇرعىن ءۇيدى پايدالانۋعا بەرۋ جوسپارلانعان. مامان­دار بۇل رەتتە «نۇرلى جەر»، «جۇمىسپەن قامتۋدىڭ جول كارتاسى» باعدارلامالارىنىڭ سەبى كوپ ءتيىپ وتىرعانىن اي­تادى.

 

«نۇرلى جەر» مەملەكەتتىك باعدارلاماسى اياسىندا وسى جىلى قىزىلوردا قالاسى مەن شيەلى اۋدانىندا جالعا بەرىلەتىن ۇيلەر بوي كوتەرەدى. جاڭا پا­تەر­گە قونىس­تانا­ت­ىنداردىڭ دەنى الەۋمەتتىك وسال توپتار مەن از قامتىلعان كوپبالالى وتباسىلار. وسى جىلى ازاماتتاردى كرە­ديتتىك ۇيمەن قامتاماسىز ەتۋ با­عىتى بويىنشا وبلىس ورتا­لى­عى مەن اۋدانداردا ءبىراز باس­پانا يەسىن تابادى.

قالا مەن اۋداندارداعى قۇ­رى­لىس بولىم­دە­رىنىڭ مىندەتى – كوپ­قاباتتى تۇرعىن ۇي­لەر مەن الەۋمەتتىك نىساندار سالۋدان بولەك، جاڭا اۋماقتارعا ينفرا­قۇ­رى­لىم تارتۋ. وسى ماقساتتا بىلتىر وبلىس ورتالىعىنداعى جاڭا اۋدان – سول جاعا­لاۋ­داعى ءۇشىن­شى جانە ءتورتىنشى تۇرعىن ءۇي ورامدارىنا ينجەنەرلىك جەلىلەر تارتۋ ءۇشىن بيۋدجەتتەن قارجى قارالىپ، 15 شاقىرىمنان استام ەلەكتر جەلىسى، 3،4 شاقىرىم گاز، 4،6 شاقىرىم جىلۋ جانە 1،84 شاقىرىم اۋىز سۋ مەن كارىز جەلى­لەرى تارتىلدى.

جىل سايىن تۇرعىندارىنىڭ سانى ارتىپ كەلە جاتقان قالانىڭ شەت ايماعىنداعىلار ەرىگەن قار سۋى مەن جاڭبىردان كوشەلەرى مي باتپاققا اينالعانىن ايتىپ، اكىمدىككە ءجيى ارىزدانىپ جاتاتىن. اكىمدەردىڭ ەل الدىن­دا­عى ەسەبىندە كوپ كوتەرى­لە­تىن ماسەلەنىڭ ءبىرى دە وسى ەدى. بىل­تىر بۇل باعىتتا ءبىراز شارۋا شە­شىمىن تاپتى.

– شەت ايماقتىڭ وسىنداي ماسەلە­لەرىن شەشۋگە مەملەكەتتىك باعدار­لامالاردىڭ تيگىزگەن سەپ­تىگى كوپ بولدى، – دەيدى قالالىق قۇرىلىس ءبولىمىنىڭ باسشىسى پاكۋادتين شامۇراتوۆ. – وسى­نىڭ ناتيجەسىندە بىلتىر قىزىلجارما اۋىلىندا 15، ءال-فارابي اۋدانىندا دا وسىن­شا كوشەگە، تاسبوگەتتە 15، تي­توۆ اۋدانىندا 16 كوشەگە مال­تاتاس توسەلدى. كبي اۋدانى مەن تالدىارال اۋى­لى­نىڭ ارقايسىسىندا 15 كوشە وسىنداي جول­مەن جوندەلدى.

«وڭىرلەردى دامىتۋ» باع­دار­لاماسى شەڭبەرىندە بىلتىر بىتكەن ءىستىڭ ءبىرى – اۋىز سۋ جيناۋ قويماسىن سالۋ بولدى. ناۋرىز، قاراۋىلتوبە، تالسۋات اۋىلدارىندا وسىنداي قۇرىلعىلار سالىنسا، تالدىارال ەلدى مە­كەنىنە اۋىز جانە كارىز سۋ جەلىلەرى تارتىلدى. بۇل باستامانىڭ يگىلىگىن قاراوزەك ستانساسى تۇرعىندارى دا كورىپ وتىر. وبلىس ورتا­لىعىن­­داعى كاناليزاتسيالىق سور­عى ستانسالارىن جاڭعىرتۋ جو­باسى بويىنشا 59 سورعىنىڭ 23-ءى جاڭار­تىلىپ، پايدالانۋعا بەرىلدى.

«نۇرلى جەر» باعدارلاماسى شەڭبەرىندە بىلتىر قالانىڭ سول جاعالاۋىنان 14 قابات­تى ءۇي­دىڭ قۇرىلىسىن باستاۋعا 7 ملرد 474،8 ملن تەڭگە ءبولىنىپ، بيىل تاعى جارتى ميللياردتان استام قارجى قارالدى. ەلباسى باس­تاماشى بولعان باعدارلاما بويىن­شا بيىل بۇل ماڭنان 680 پاتەرلى تۇرعىن ءۇي پايدالانۋعا بەرىلەدى.

قىزىلوردا قالاسىنىڭ از قام­تىل­عان كوپبالالى وتبا­سى­لارعا پاتەر ساتىپ الۋ ماق­سا­تىن­دا مەملەكەتتىك ساتىپ الۋ قورى­تىندىسى انىقتالىپ، ءونىم بەرۋشىدەن 33 پاتەر ساتىپ الىندى. وسىلارمەن قاتار سپمك-70 اۋدانىنان قۇرىلىسى بىلتىر باستالعان 13 ءۇي دە بيىل قولدانىسقا بەرىلىپ، قالادا قو­نىس تويىن تويلايتىندار قا­تارى ارتادى.

– جالپى، وسى جىلى قالا بو­يىنشا 28 ءۇي بەرىلىپ، 1500 وتباسى جاڭا پاتەرلى بولا­دى دەپ جوسپارلاپ وتىرمىز. جۋىردا 1 مامىر مەرەكەسىندە وسى ۋاقىتقا دەيىن اپاتتى ءۇيدى پانالاپ كەلگەندەردىڭ اراسىنان 20 وتباسى جاڭا باسپانا كىلتىن الدى. قازىر قالا بو­يىنشا 24 مىڭ 810 ازامات ءۇي كەزەگىندە تۇرسا، ونىڭ ىشىندە باسپاناسى اپاتتىق جاعدايدا تۇرعان 234 وتباسى بار. بيىل سولاردىڭ 121-ءى، كەلەر جىلى 113 وتباسى جاڭا پاتەرلى بولادى دەگەن جوسپارىمىز بار. ودان بولەك، «قىزىلوردادا نەگە 5 قاباتتان بيىك ءۇي سالىنبايدى؟» دەگەندى ءبارى­مىز دە ەستىپ ءجۇرمىز. باسقا وڭىر­لەردەگى قۇرىلىستاردى كور­گەن­دەر دە وسىنى كوپ ايتادى. بىزدە وسى ۋاقىتقا دەيىن بيىك ۇيلەر سالعان كومپانيالار بار. قۇرىلىس تالابىن ساقتاسا، ءبارىن سالۋعا بولادى. سوندىقتان بيىل سول جاعالاۋدان 9 قاباتتى 4، 12 قاباتتى 4 ءۇيدىڭ قۇرىلىسىن باس­­تاماقپىز. قازىر قۇرىلىستىڭ جوبالىق-سمە­­تا­لىق قۇجاتتاماسى دايىندالدى. جالپى، بولاشاقتا وسى جاڭا اۋدانعا ءتۇرلى نى­ساندار سالىپ، اباتتاندىرۋعا بەل بايلاپ وتىرمىز. بيىل وندا كوگالداعى حوككەي الاڭىنىڭ دا قۇرىلىسىن باستايمىز، – دەيدى ءبولىم باسشىسى.

سونىمەن قاتار وسى جىلى وبلىس ورتا­لى­عىنداعى سپمك-70 شاعىن اۋدانىندا 500 پاتەرلى 10 تۇرعىن ءۇيدىڭ ىرگەتاسى قالانىپ، قالا اۋماعىنداعى 24 كوشەگە مال­تاتاس توسەلەدى. تاسبوگەت كەن­تىندە دەنە شىنىقتىرۋ-ساۋىق­تىرۋ كەشەنىنىڭ قۇرى­لى­سى جۇر­گىزىلەدى.

وتكەن جىلى جۇزەگە اس­قان جوبالار قاتا­رىن­دا باي­تەرەك اۋدانىنداعى كوپ بالا­لى وتبا­­سى­لارعا ارنال­عان تۇرعىن ۇي­لەردىڭ ينجەنەر­لىك كوممۋ­ني­كاتسيالىق ينفاقۇرى­لى­مىن تار­تۋ، كبي اۋدانىن ەلەكترمەن جاب­دىقتاۋ جانە سابالاق، اراي اۋدان­دارىنا اۋىز سۋ جەلىسىن جەت­كىزۋ سەكىلدى جۇمىستار بار.

سوڭعى جاڭالىقتار

جاس شەشەندەر سايىسى

وقيعا • بۇگىن، 09:29

ەل ەرتەڭىنە قامقورلىق كۇشەيەدى

باعدارلامالار • بۇگىن، 09:21

جاستارمەن جۇزدەسۋ

وقيعا • بۇگىن، 09:13

اۋىل بالالارىنىڭ ءۇمىتىن ۇكىلەيدى

باعدارلامالار • بۇگىن، 09:05

قانت ءوندىرىسىنىڭ قاۋقارى قانداي؟

ەكونوميكا • بۇگىن، 08:51

ىندەتپەن كۇرەستە ىركىلمەگەن مامان

كوروناۆيرۋس • بۇگىن، 08:34

ارمانىنا جەتكەن جان

رۋحانيات • بۇگىن، 08:30

وتانشىلدىق – تاۋەلسىزدىك تىرەگى

رۋحانيات • بۇگىن، 08:16

العىس ارقالاعان جاناشىر جاندار

مەديتسينا • بۇگىن، 08:01

حەم اعاي

ادەبيەت • كەشە

نەسيە كورسەتكىشى ارتتى

ەكونوميكا • كەشە

ۇقساس جاڭالىقتار