قازاقستان • 17 مامىر، 2021

«الماتى-مالديۆ» باعىتىنداعى رەيستەر توقتادى

13 رەت كورسەتىلدى

«Air Astana» كومپانياسى 31 مامىرعا دەيىن «الماتى-مالديۆ» باعىتىنداعى رەيستەردى توقتاتقانىن مالىمدەدى، دەپ حابارلايدى Egemen.kz.

«17، 19 جانە 24 مامىردا «Air Astana» مالديۆتەگى جولاۋشىلار ءۇشىن رەپاترياتسيالىق رەيستەر ۇيىمداستىرادى. كس586 رەيسى جەرگىلىكتى ۋاقىت بويىنشا ساعات 19:35-تە مالەدەن ۇشىپ شىعىپ، الماتىعا كەلەسى كۇنى ساعات 03:05-تە قونادى. قر باس مەملەكەتتىك سانيتارلىق دارىگەرىنىڭ قاۋلىسىنا سايكەس جولاۋشىلار الماتىعا كەلگەننەن كەيىن 14 كۇندىك كارانتيننەن ءوتۋى كەرەك»، دەپ جازادى اۋە كومپانياسىنىڭ ءباسپاسوز قىزمەتى.

الدىن الا بيلەت ساتىپ العان كومپانيا كليەنتتەرى بيلەت قۇنىن تولىقتاي قايتارۋعا نەمەسە باسقا كۇنگە اۋىستىرۋعا قۇقىلى.

«كۇشى جويىلعان رەيستەردىڭ جولاۋشىلارى اۆيابيلەتتىڭ قۇنىن ساتىپ العان جەرى بويىنشا تولىق قايتارا الادى نەمەسە 2021 جىلعى قازانعا دەيىن باسقا اشىق كۇندەرگە بيلەت برونداۋعا بولادى. قوسىمشا اقپارات الۋ ءۇشىن بيلەتتى ساتىپ الۋ ورنىنا نەمەسە برونداۋ جانە اقپارات ورتالىعىنا +7 727 244 4477 / +7 702 702 4477 ءنومىرى بويىنشا حابارلاسۋ كەرەك»، دەيدى اۋە كومپانياسىنىڭ وكىلدەرى.

ايتا كەتەيىك، كەشە قر باس مەملەكەتتىك سانيتار دارىگەرى ەرلان قياسوۆ «قازاقستانعا مالديۆ ارالدارىنان كوروناۆيرۋس ينفەكتسياسى كەلۋىنىڭ الدىن الۋ شارالارىن كۇشەيتۋ تۋرالى» جاڭا قاۋلىعا قول قويعان ەدى.

 

سوڭعى جاڭالىقتار

«شىڭىراۋ» شىڭعا شىقسىن

ونەر • بۇگىن، 00:18

تىڭ تاسىلدەردىڭ ءتيىمدى تۇسى كوپ

مەديتسينا • بۇگىن، 00:14

پاسپورت

رۋحانيات • كەشە

جەكە پەسا جازۋعا لايىق

رۋحانيات • كەشە

انا مەيىرىمى

قوعام • كەشە

دوللار ارزاندادى

قارجى • كەشە

ۇقساس جاڭالىقتار