«بيىل دوكتورانتۋراعا ءتۇسۋ ەمتيحاندارى دا ۇبت-عا قويىلعان تالاپتار نەگىزىندە جانە ۇلتتىق بىرىڭعاي تەستىلەۋ جۇرگىزىلگەن پۋنكتىلەردە وتەدى. بۇل بىزگە «رەكتورلار ءتىزىمى» دەگەن الىپ-قاشپا ءسوزدى جانە وسىنداي تاۋەكەلدەردى ۇمىتىپ, دوكتورانتۋراعا ەڭ مىقتى جانە لايىقتى ۇمىتكەرلەردىڭ وقۋعا تۇسۋىنە ءتيىستى جاعداي جاساۋعا مۇمكىندىك بەرەدى دەپ ويلايمىن», دەپ جازدى مينيستر.
اسحات ايماعامبەتوۆتىڭ ايتۋىنشا, دوكتورانتۋراعا تۇسۋگە ۇمىتكەرلەر ەسسەنى دە, باسقا دا تاپسىرمالاردى دا كومپيۋتەرلەرمەن بەينەكامەرالاردىڭ الدىندا وتىرىپ جازادى.
«وتكەن جىلى ءبىز ماگيستراتۋراعا تۇسۋشىلەردىڭ ەمتيحاندارىن قاناتقاقتى رەجيمدە ەلەكتروندىق فورماتتا قابىلدادىق. وقۋعا تۇسكەن ازاماتتار ەمتيحاننىڭ راسىندا ءادىل تۇردە وتكەنىن ايتىپ جاتىر. بيىل بۇل جۇمىس جالعاسىن تابادى. بۇدان بىلاي ماگيستراتۋرانىڭ ەمتيحاندارى وسى فورماتتا وتەدى», دەدى ول.
