ءبىلىم • 12 مامىر، 2021

كوكشەتاۋدا مۇعالىم جوعالىپ كەتتى

1087 رەت كورسەتىلدى

كوكشەتاۋ قالاسىندا ءىز-ءتۇزسىز جوعالىپ كەتكەن مۇعالىم ىزدەستىرىلىپ جاتىر، دەپ حابارلايدى Egemen.kz اقمولا وبلىستىق پد-نە سىلتەمە جاساپ.

«10 مامىردا پوليتسيانىڭ كەزەكشى بولىمىنە سولتۇستىك قازاقستان وبلىسى اۋىلدارىنىڭ ءبىرىنىڭ 53 جاستاعى تۇرعىنىنان ۇلىن ىزدەۋگە كومەكتەسۋ تۋرالى ءوتىنىش ءتۇستى. 1989 جىلعى تەمىرجانوۆ باحتيار تالعات ۇلى 7 مامىردا كوكشەتاۋداعى ۇيىنەن شىعىپ كەتىپ، سول كۇيى ورالماعان، ونىڭ قايدا ەكەندىگى ءالى بەلگىسىز»،  دەپ حابارلادى اقمولا وبلىستىق پد ءباسپاسوز قىزمەتى.

جوعالعان ادام دەنە شىنىقتىرۋ ءپانىنىڭ مۇعالىمى ەكەنى بەلگىلى بولدى. جوعالعان ادامنىڭ بەلگىلەر: بويى 175-180 سم، دەنە ءبىتىمى جۇقالاۋ كەلگەن، شاشى قارا، قىسقا قيىلعان، قۇلاقتارى ورتاشا، كوزدەرى قىسىڭقى، قوڭىر ءتۇستى. ۇستىنە سۇر دجينسى، قارا كوك كۋرتكا، اياقتارىندا قوڭىر ءتۇستى اياق كيىم كيگەن. ەرەكشە بەلگىلەر: استىڭعى ەرنىنىڭ تومەنگى جاعىندا مەڭى بار.

«ەر ادامنىڭ تۇرعان جەرىن انىقتاۋ ماقساتىندا ءتارتىپ ساقشىلارى جەدەل-ىزدەستىرۋ ءىس-شارالارىن جۇرگىزدى، ونىڭ بارىسىندا بارلىق تانىس جانە جاقىن ادامداردان جاۋاپ الىندى. بارلىق كامەرالار قارالدى، بىراق ەر ادامنىڭ ورنالاسقان جەرىن تابۋ مۇمكىن بولمادى»، دەدى ۆەدومستۆو وكىلى.

سوڭعى جاڭالىقتار

حەم اعاي

ادەبيەت • كەشە

نەسيە كورسەتكىشى ارتتى

ەكونوميكا • كەشە

ۇقساس جاڭالىقتار