ايماقتار • 12 مامىر، 2021

ريددەردەگى ءورت تولىقتاي ءسوندىرىلدى

30 رەت كورسەتىلدى

شىعىس قازاقستان وبلىسى ريددەر ورمان شارۋاشىلىعىندا شىققان ءتىلسىز جاۋ تولىقتاي اۋىزدىقتالدى، دەپ حابارلايدى Egemen.kz.

شقو توتەنشە جاعدايلار دەپارتامەنتى ءباسپاسوز قىزمەتىنىڭ مالىمەتىنە سۇيەنسەك، 12 مامىر ساعات 14.30-داعى جاعداي بويىنشا، جالپى اۋدانى 272،4 گەكتاردى شارپىعان دالا ءورتى ءوشىرىلدى.

«قىزىل جالىن وسىدان ەكى كۇن بۇرىن ساعات 13.55-تە ريددەر ورمان شارۋاشىلىعىندا شىققان بولاتىن. ەكپىنى سەكۋندىنا 20 مەترگە دەيىن جەتكەن جەلدىڭ سالدارىنان ءورتتى ءسوندىرۋ قيىنعا سوقتى. ءتىلسىز جاۋمەن كۇرەسكە جەكە قۇرامنان 493 ادام، 69 تەحنيكا جانە 2 تىكۇشاق جۇمىلدىرىلدى»، دەپ حابارلادى ۆەدومستۆو وكىلدەرى.

ايتا كەتەيىك، 10 مامىردا شىعىس قازاقستانداعى ريددەر ورمان شارۋاشىلىعىندا الاپات ءورت شىقتى. ورتتەن 1 ادام قازا تاۋىپ، تاعى ەكەۋى جاراقاتتاندى. وسى ورايدا پرەزيدەنت ۇكىمەت پەن شىعىس قازاقستان وبلىسىنىڭ اكىمدىگى ءتىلسىز جاۋدان زارداپ شەككەن لەسحوز كەنتىنىڭ تۇرعىندارىنا كومەك كورسەتىپ، باسپانامەن قامتاماسىز ەتۋدى تاپسىردى.

ال 11 مامىر كۇنى ساعات 18:20-دا ءورتتىڭ تارالۋى توقتاتىلدى. قالا اكىمدىگىندە قۇرىلعان كوميسسيا تۇرعىن ۇيلەرگە قاتىستى ماتەريالدىق شىعىندى انىقتاۋعا كىرىستى.

 

سوڭعى جاڭالىقتار

ستۋدەنتتەردىڭ ستيپەندياسى كوبەيەدى

ايماقتار • 11 ماۋسىم، 2021

اقتوبە وبلىسىنا باس يمام تاعايىندالدى

تاعايىنداۋ • 11 ماۋسىم، 2021

ۇقساس جاڭالىقتار