«بىردە-ءبىر اۋرۋحانا مەن بىردە-ءبىر دارىگەر مەدبيكەسىز جۇمىس ىستەي المايدى. بۇل وتە ماڭىزدى ادامدار, ولار ۇلكەن جۇمىس اتقارادى جانە ءار ناۋقاستىڭ ءومىرى ءۇشىن ودان دا ۇلكەن جاۋاپكەرشىلىك اتقارادى», دەپ جازدى مينيستر.
الەكسەي تسوي بۇگىندە مەدبيكەلەردىڭ ءرولى ارتقانىن, بۇرىن ولار ورتا مەديتسينالىق پەرسونال بولىپ سانالسا, قازىر ولار دارىگەرلەردىڭ تەڭ سەرىكتەسى بولىپ, تاۋەلسىز شەشىم قابىلداۋعا مۇمكىندىك العانىن ايتتى.
قازاقستاندا 185 مىڭنان استام ورتا بۋىن ماماندارى جۇمىس ىستەيدى, ولاردىڭ 2 مىڭىندا جوعارى مەيىرگەرلىك ءبىلىمى بار. اۋىلدىق جەرلەردە 55 مىڭعا جۋىق ادام جۇمىس ىستەيدى.
«مەدبيكەلەر مەكتەبى ءبىر ورىندا تۇرمايدى, كادرلىق رەزەرۆتى تولىقتىرا وتىرىپ, بارلىق ۋاقىتتا جەتىلدىرىلۋدە», دەپ جازدى مينيستر.
بۇل مەرەكەدە ۇزدىك مامانداردى ماراپاتتاۋ داستۇرگە اينالعان. پاندەمياعا قاراماستان, بيىل دا ماراپاتتاۋ ءراسىمى تىس قالمادى. قر دەنساۋلىق ساقتاۋ مينيسترلىگىنىڭ اتىنان ەڭبەكتەگى جانە دەنساۋلىق ساقتاۋ سالاسىنداعى جەتىستىكتەرى ءۇشىن بۇگىن 174 مامان ماراپاتتالدى. ونىڭ ىشىندە 24-ءى «ەڭبەك ارداگەرى» مەدالىمەن, 43-ءى «دەنساۋلىق ساقتاۋ ءىسىنىڭ ۇزدىگى» توسبەلگىسىمەن, 15-ءى «دەنساۋلىق ساقتاۋ ىسىنە قوسقان ۇلەسى ءۇشىن» توسبەلگىسىمەن, 52 مامانعا قۇرمەت گراموتالارى, تاعى 40 مەدبيكە ءمينيستردىڭ قولى قويىلعان العىس حاتتارمەن ماراپاتتالدى.
ء«اربىر مەديتسينا قىزمەتكەرى ءۇشىن ەڭ ۇزدىك ماراپات – ەمدەلۋشىلەردىڭ العىسى دەپ سانايمىن. سوندىقتان ءاربىر قازاقستاندىقتىڭ اتىنان وسى كۇنى مەيىرگەر ارىپتەستەرىڭىزگە ولاردىڭ ىقىلاستىعى مەن قايسارلىعى ءۇشىن العىس ايتۋعا رۇقسات ەتىڭىزدەر. سىزگە زور دەنساۋلىق, اماندىق جانە وركەندەۋ تىلەيمىن!», دەدى الەكسەي تسوي.
