2017-2021 جىلدارعا بەكىتىلگەن ەگىس الاڭى قۇرىلىمىن ءارتاراپتاندىرۋ تۋرالى مەموراندۋمعا سايكەس, التاي اۋدانىندا بيىل ەگىس الاڭى 72,2 مىڭ گەكتاردى قۇراپ, بىلتىرعى دەڭگەيمەن سالىستىرعاندا 0,03 مىڭ گەكتارعا ارتتى. كوكتەمگى ءداندى داقىلداردى ەگۋ بيىل 40,2 مىڭ گەكتاردى قۇرادى, مايلى داقىلدار 25,1 مىڭ گەكتار, ونىڭ ىشىندە كۇنباعىس 19,4 مىڭ گەكتار, راپستى 5,6 مىڭ گەكتارعا ەگۋ جوسپارى بار.
توپىراقتىڭ قۇنارلىلىعىن ساقتاۋ جانە اۋىل شارۋاشىلىعى داقىلدارىنىڭ ونىمدىلىگىن ارتتىرۋ ءۇشىن اۋداننىڭ اۋىلشارۋاشىلىق قۇرىلىمدارى 5 309,5 توننا مينەرالدى تىڭايتقىش ساتىپ الدى. سونداي-اق كوكتەمگى دالا جۇمىستارىن جۇرگىزۋگە اۋدانعا 2 665 توننا ديزەل وتىنى ءبولىنىپ, بىلتىرعى دەڭگەيدەن 585 تونناعا ارتتى.
التاي اۋدانىندا تراكتورلار مەن باسقا تەحنيكالاردىڭ 1 009 بىرلىگى بار. بۇل بيىلعى ەگىس ناۋقانىنىڭ بارلىق قاجەتتىلىگىن جابۋعا قاۋقارلى. اعىمداعى جىلى كوكتەمگى دالا جۇمىستارىن جۇرگىزۋ ءۇشىن اۋىلشارۋاشىلىق قۇرىلىمدارى 600 ملن تەڭگەدەن استام سوماعا 12 بىرلىك اۋىلشارۋاشىلىق تەحنيكاسىن جانە جابدىقتارىن ساتىپ الۋدى جوسپارلاۋدا. بۇگىندە 312 ملن تەڭگەگە 6 بىرلىك تەحنيكا جەتكىزىلدى.
ال بورودۋليحا اۋدانىنىڭ اۋىلشارۋاشىلىق ءبولىمى ماماندارى بەرگەن دەرەكتەرگە سەنسەك, بيىل مۇنداعى ەگىس القاپتارى 325 مىڭ گەكتاردى قۇراماق. جازدىق ەگىستى ءساتتى جۇزەگە اسىرۋ ءۇشىن بيىل 210 مىڭ گەكتاردا ىلعالدى جابۋ جۇمىستارى جۇرگىزىلەتىن كورىنەدى. بۇگىندە ونىڭ 34,5 پايىزى ورىندالعان. سونىمەن قاتار 39 مىڭ گەكتار القاپ جىرتىلىپ, 325 مىڭ گەكتار القاپ قايتا وڭدەلەدى.
جالپى العاندا, بيىلعى كوكتەمگى ەگىس ناۋقانىنا بورودۋليحا اۋدانى بويىنشا 1 231 شىنجىر تاباندى جانە دوڭگەلەكتى تەحنيكا, 2 146 ءتۇرلى اگرەگات جۇمىلدىرىلادى. بۇل تەحنيكالار ەگىستىك جۇمىستارىنا 100 پايىز ءازىر.
شارۋاشىلىقتاردى جەرگىلىكتى جەرگە بەيىمدەلگەن داقىل تۇقىمدارىمەن قامتاماسىز ەتۋ ماقساتىندا اۋدان بويىنشا ءۇش تۇقىم ءوسىرۋشى جانە ءبىر اسىل تۇقىمدى شارۋاشىلىق جۇمىس ىستەيدى. بۇگىنگى تاڭدا سەبىلەتىن تۇقىمنىڭ 14,8 مىڭ تونناسى, ياعني 87,9 پايىزى تولىقتاي تەكسەرىلىپ بولدى.
كوكتەمگى ەگىس جۇمىستارىن جۇرگىزۋ ءۇشىن بورودۋليحالىقتارعا اۋىل شارۋاشىلىعى باسقارماسىنىڭ بەرگەن كۆوتاسىنا سايكەس, 6 370 توننا ديزەل وتىنى بولىنگەن. ونىڭ 455 تونناسى ناۋرىزعا, 1 265 تونناسى ساۋىرگە, 3 315 تونناسى مامىرعا, ال 975 تونناسى ماۋسىم ايىنا كوزدەلگەن.
شىعىس قازاقستان وبلىسى
