قازاقستان • 10 مامىر، 2021

ماقسۇت جۇماەۆ لوبۋچە شىڭىن باعىندىردى

28 رەت كورسەتىلدى

وتانداسىمىز، الپينيست ماقسۇت جۇماەۆ تاۋەلسىزدىكتىڭ 30 جىلدىعىنا وراي قازاقستاننىڭ تۋىن گيمالاي التىلىعىندا – لوبۋچەنىڭ وڭتۇستىك شىڭىنا الىپ شىقتى، دەپ حابارلايدى Egemen.kz

تانىمال سپورتشى كاتماندۋعا قايتقاننان كەيىن بايلانىسقا شىقتى. ونىڭ سوزىنشە، نەپالداعى ەپيدەميالىق جاعدايعا بايلانىستى لوكداۋن جاريالانعان. ماقسۇت جۇماەۆ اۋە بيلەتتەرىن قايتارۋعا ءماجبۇر بولعان، ەندى كارانتيننىڭ جەڭىلدەۋىن كۇتىپ وتىر. الايدا الپينيست ءوز ميسسياسىن ءساتتى ورىنداپ شىققان.

«كەشە 11.30-دا 6119 مەتر بيىكتىكتەگى لوبۋچە شىڭىن باعىندىردىق. تۇنگى 03.00 شاماسىندا شىقتىڭ، اۋا رايى جاقسى بولدى. اينالامىزداعى سەگىزمىڭدىقتار انىق كورىنىپ تۇردى. بىراق ساعات تاڭعى 09.00 شاماسىندا اۋا رايى بۇزىلىپ كەتتى، قار جاۋىپ، كورۋ 50 مەترگە دەيىن ناشارلادى. قار جاۋىپ كەتكەنىنە قاراماستان توقتامادىق، تەك قادامدى باسەڭدەتتىك. توبىمىز اسىقپاي شىڭعا جەتتى»، دەيدى م.جۇماەۆ.

سپورتشى شىڭدا ۇزاق ۋاقىت تۇرماعان. بار كۇشىن تۋلارمەن سۋرەتكە ءتۇسىپ، قۇتتىقتاۋ ۆيدەوسىن تۇسىرۋگە جۇمساعان. سوسىن قايتۋ كەرەك بولعان.

ء«بارىن تاستاپ، تومەنگە قايتادان ءتۇسىپ كەتكىم كەلگەن كەزدەر بولدى، سەبەبى قار جارما سياقتى جاۋىپ كەتتى. بىراق ميسسيانى ورىنداۋ مىندەتى تۇرعانىن ءتۇسىندىم، ول – لوبۋچە شىڭىنا تۋ تىگۋ. تۋمەن سۋرەتكە ءتۇسىپ، قۇتتىقتاۋ ۆيدەوسىن جازىپ، تومەن قاراي تۇسە باستادىق. لاگەرگە كەشكە قاراي جەتتىك»، دەيدى سپورتشى.

سپورتشىنىڭ گيمالاي شىڭىنا جەتۋدەگى ماقساتى – قازاقستاننىڭ تاۋەلسىزدىگىنە 30 جىل ەكەنىن دۇنيە جۇزىنە تانىتۋ بولعان.

1

بۇگىندە قازاقستاندىق سپورتشى كاتماندۋدا. جۇماەۆ ميسسياسىن ورىنداعاننان كەيىن قازاقستانعا تەزىرەك ورالعىسى كەلەتىنىن ايتادى.

«6 مامىردان باستاپ نەپالدا اۋە قاتىناستارى توقتاپ، لوكداۋن جاريالاندى. 15 مامىردا لوكدان نە قاتاڭدايدى، نە جەڭىلدەيدى. بىراق ءۇندىستاندا ەپيدەميالىق جاعداي قيىن ەكەنىن ەسكەرىپ، لوكداۋن جەڭىلدەيدى دەپ ايتۋ قيىن. ءبىز بازالىق لاگەردەن كاتماندۋعا تىكۇشاق ارقىلى جەتتىك. وسى جەردەن قازاقستانعا ورالۋدىڭ جولدارىن قاراستىرۋعا تىرىسامىن. بۇل مەن ءۇشىن باستى ماسەلە»، دەيدى الپينيست.

سوڭعى جاڭالىقتار

«شىڭىراۋ» شىڭعا شىقسىن

ونەر • بۇگىن، 00:18

تىڭ تاسىلدەردىڭ ءتيىمدى تۇسى كوپ

مەديتسينا • بۇگىن، 00:14

پاسپورت

رۋحانيات • كەشە

جەكە پەسا جازۋعا لايىق

رۋحانيات • كەشە

انا مەيىرىمى

قوعام • كەشە

دوللار ارزاندادى

قارجى • كەشە

ۇقساس جاڭالىقتار