سپورت • 07 مامىر، 2021

ازامات داۋلەتباەۆ جولداماعا يەلىك ەتە المادى

25 رەت كورسەتىلدى

قازىرگى كەزدە بولگاريانىڭ استاناسى – سوفيادا كۇرەس ءتۇرلەرىنەن وليمپيا ويىندارىنىڭ سوڭعى جولدامالارى ساراپقا سالىنۋدا، دەپ حابارلايدى Egemen.kz.

جارىستىڭ العاشقى كۇنى ەركىن كۇرەس شەبەرلەرى بوز كىلەمگە شىقتى.

قازاقستان قۇراما كومانداسى مۇشەلەرى اراسىندا تەك 86 كيلو سالماق دارەجەسىندە عانا جولداما جوق ەدى. سوفيادا سول جالعىز ليتسەنزيا ءۇشىن ازامات داۋلەتبەكوۆ تالاستى. ءساۋىر ايىندا الماتىدا وتكەن تۋرنيردە ءدال وسى بالۋانعا سەنىم ارتىلعانى ەسىمىزدە. وكىنىشكە قاراي، ول جارىستا قانداسىمىز جەرگىلىكتى جانكۇيەرلەردىڭ ءۇمىتىن اقتاي المادى. سودان باپكەرلەر ويلانا-تولعانا كەلە داۋلەتبەكوۆكە تاعى ءبىر مۇمكىندىك بەرۋدى قۇپ كوردى.

بولگارياداعى ءتۋرنيردىڭ باستاپقى باسەكەلەرىندە ازامات ۆەنەسۋەلالىق پەدرو سەباللوس فۋەنتا (10:0) مەن گەرمانيالىق احمەد دۋداروۆتان (6:5) باسىم ءتۇستى. شيرەك فينالدا قازاق سپورتشىسى ازىربايجاندىق ابۋباكر اباكاروۆپەن ايقاستى. بۇل بەلدەسۋ 2:2 ەسەبىمەن تەڭ اياقتالدى. الايدا جاسالعان ءادىستىڭ ساپاسىنا بايلانىستى جەڭىس قاپ تاۋى قىرانىنىڭ ەنشىسىنە جازىلدى. وسىلايشا،ازامات داۋلەتبەكوۆ توكيو وليمپياداسىندا باق سىنايتىن بالۋانداردىڭ تىزىمىنە قوسىلا المادى.

سوڭعى جاڭالىقتار

دوللار قايتادان قىمباتتادى

قارجى • بۇگىن، 15:00

ۇقساس جاڭالىقتار