پيرنەي تۇبەگىندە وتكەن ويىندا قوس كوماندا 1:1 ەسەبىمەن تەڭ تاراسقان بولاتىن. قارىمتا ماتچتىڭ ءبىرىنشى تايمىندا الما-كەزەك شابۋىلدار ۇيىمداستىرىلىپ, سولاردىڭ ءبىرى ناتيجەلى اياقتالدى. كەزدەسۋدىڭ 28-مينۋتىندا نگولو كانتەنىڭ پاسىنان كەيىن كاي حاۆەرتتس دوپتى تيبو كۋرتۋادان اسىرعان ەدى, ول ماڭدايشاعا ءتيىپ كەرى قايتتى. سول مەزەتتە العىرلىق تانىتقان تيمو ۆەرنەر دوپتى توردا تۋلاتتى – 1:0. سودان كەيىن دە لوندوندىقتار قارقىنىن باسەڭدەتكەن جوق. قارسىلاستارىنا قاراعاندا اعىلشىنداردىڭ شابۋىلدارى الدەقايدا ءوتكىر بولدى. ال كورولدىك كلۋبتىڭ ويىنشىلارى ءجيى قاتەلىككە ۇرىنىپ, بىلگەندەرىنەن جاڭىلدى. ەكىنشى تايمدا الاڭ يەلەرىنىڭ باسىمدىعىمەن ءوتتى. 85-مينۋتتا قوناقتاردىڭ قاتەلىگىن پايدالانعان نگولو كونتە دوپتى العان بەتتە العا ەكى-ءۇش قادام جاسادى دا كريستيان پۋليشيچكە پاس بەردى. ول ءوز كەزگىندە مەيسون ماۋنتتى تاپتى. ول ءمۇلت كەتكەن جوق – 2:0.
ءسويتىپ, چەمپيوندار ليگاسىنىڭ فينالدىق سايىسىندا انگليانىڭ قوس كومانداسى كۇش سىناسادى. كورەرمەندەر 29 مامىر كۇنى «مانچەستەر سيتي» مەن «چەلسي» اراسىنداعى ماتچتى تاماشالايدى. بۇل كەزدەسۋ ىستانبۇلداعى وليمپيادالىق ستاديوندا وتەدى.
